Дипломирал диригирање на Белградската музичка академија во класата на проф. Живоин Здравковиќ, а специјализирал во Германија и во САД. Уметничката кариера на Чавдарски тргнува во доцните триесетти години од беровско Владимирово, преку Скопје и Белград каде што се школува, а потоа и преку Германија и Америка, каде што специјализира диригирање.[2]
Во периодот 1960-1970 тој е диригент во Операта при МНТ, на чија сцена постави бројни оперски дела, а од 1965-1970 е директор на Македонска филхармонија. Од 1970 година со успех настапува во странство со постојани ангажмани во Нов Зеланд (од 1972 г. диригент на Christchurch Civic Orchestra),[3]Тасманија (од 1974-1980 г. диригент на Tasmanian Symphony Orchestra),[4]Австралија (од 1978-1982 диригент на Queensland Symphony Orchestra),[5][6]Јужна Кореја (1993-1996 г. е диригент на Busan Philharmonic Orchestra),[7], а гостува и во САД, Венецуела, Италија, во Шпанија. Од 1982 тој е шеф диригент на Симфонискиот оркестар на РТВ Белград,[8] а покасно работи во Англија, и повторно во Македонија, во Операта при МНТ. Во периодот од 1994-2001 Чавдарски е почесен професор на Јужно корејскиот Конзерваториум во Сеул.
Во текстови посветени на негова годишнина од раѓање, има цитати од негово интервју каде што вели оти е како скитник кој нема постојано место на живеење, но дека Македонија му е вечно во душата. Случувањата во неговиот живот се одвиваа како на филмска лента, а теоретичарите го нарекуваа македонски Одисеј. Со него сакаа да настапуваат светски солисти, низ светските подиуми добиваше овации, аплаузи и над десет минути.
Почина во Бризбејн, Австралија на 8 декември 2001 година.
Кариера
Реализирал обемен симфониски, оперски (Аида, Бал под маски, Грабнување од Сарајот, Палјачи, Севилскиот бербер, Веселата вдовица) и балетски репертоар (Жар-птица, Вибрации, Жизела).[9]
1973 - McLeod, Jenny : Cambridge suite for orchestra[12]
1973 - Donald Smith tenor 1922–1998, Giuseppe Verdi: O figli miei! … Ah, la paterna mano (Macbeth, Act IV), Tasmanian Symphony Orchestra, Vanco Cavdarski[13]
1975 - Donald Smith (10) / The Tasmanian Symphony Orchestra* Conducted By Vančo Čavdarski – Donald Smith Sings[14]
1976 - The Rosny Children's Choir Directed By Jennifer Filby With Tasmanian Symphony Orchestra Conducted By Vančo Čavdarski – The Sound Of Rosny[15]
1980 - Sir William Walton, Melbourne Symphony Orchestra, Vančo Čavdarski, Daphne Harris, Gregory Yurisich, Noel Mangin – The Bear[16]
1982 - Jan Sedivka, Larry Sitsky, Tasmanian Symphony Orchestra Conducted by Vanco Cavdarski* – Jan Sedivka Plays Sitsky[18]
1983 - Vitomir Trifunovic - Symphony No. 2, Belgrade Radio & Television Symphony Orchestra, Vanco Cavdarski[19] и 15 други дела
1986 - Ottorino Respighi, Werner Andreas Albert, Vanco Cavdarski, Margreta Elkins, Robert Boughen, Edward Elgar, Queensland Symphony Orchestra[20][21]
1991 - Norman, Philip : Mists over Hagley ; for violin and orchestra / performed by the Christchurch Symphony Orchestra with the Christchurch Youth Orchestra and Adele Anthony (violin) conducted by Vanco Cavdarski[22]
1994 - Organ Spectacular, Robert Boughen, Michael Dudman, David Rumsey, Queensland Symphony Orchestra, Sydney Symphony Orchestra, Students of Newcastle University Conservatorium, Vanco Cavdarski, Patrick Thomas, Leonard Dommett[23]
2003 - My First Ballet Album, Tchaikovsky: Swan Lake, Op.20, TH.12/ Act 1 & 2, Sydney Symphony Orchestra, Vanco Cavdarski[24][25]
Награди
Добитник е на втора награда на меѓународниот натпревар на млади диригенти во Ливерпул, Англија. Од 1965 до 1970 година.
За својата диригентска уметност, маестро Чавдарски е наградуван во земјата и во странство, а се издвојува медалот „Жан Филип Рамо” на градот Дижон во Франција. Диригирал со врвни европски и светски оркестри, и на сите континенти, остварувајќи врвни резултати.[26]
Во Владимирово во април 2025 официјално беше отворена фестивалската сала ,,Ванчо Чавдарски". При тоа концерт одржа камерниот оркестар ,,Скопски солисти“ и обоистот Васил Атанасов кои ги придружуваше баритонот Борис Трајанов, а публиката уживаше во изведбите на дела од европски и македонски композитори под диригентската палка на Ангел Спировски.[27]
