Вестеролен

Вестеролен (норвешки: Vesterålen) — област и архипелаг во најсеверниот дел на округот Нурлан, Норвешка. Сместена е северно од Лофотенските Острови и западно од градот Харстад.^[1]

Старонордиските облици на името се Vestráll и Vestrálar (во множина). Поимот vestr значи „запад“, а áll значи „(длабок и тесен) ракав“ или „проток“, и се однесува на преминот западно од островот Хинеја. Се претпоставува дека стариот назив на преминот источно од Хинеја (денес наречен Тјелдсундет) бил Austráll (со значење „источен ракав/проток“).

Вестеролен ги опфаќа општините Андеј, Бе, Екснес, Суртлан и Хадсел. Според некои поимувања, тука може да се вброи и општината Лединген. Областа е распоредена на неколку острови: Лангеја, Андеја, Хадселеја, западниот дел на Хинеја, северниот дел на Ауствогеја и на неколку помали острови.

Пределите се планински, но планините се позаоблени во споредба со оние на Лофотенските Острови. Населените места лежат на самиот брег, помеѓу планините и фјордовите. Има неколку езера, од кои особено се издвојува Алсвогватнет. На дел од територијата се протега и националниот парк Мејсален^[2]. Климата е морска и зимите се благи, со оглед на местоположбата северно од поларникот. Просечната јануарска температура во Стокмаркнес (Хадсел) изнесува -1,8 °C, а во јули изнесува 12,3 °C во деноноќен просек; просечната годишна температура е 4,3 °C, а најмногу врнежи има на есен, со просек од 1.220 мм.^[3]

Вестеролен со мостови е поврзан со копното и со аеродромот во Евенес. Сообраќајот до Лофотенските Острови се одвива со траект, а од 2007 г. и преку копнен патен правец.

По бреговите на областа плови паробродот „Хуртигрутен“, кој застанува во Стокмаркнес, Суртлан и Рисејхамн. Има два аеродроми: во Стокмеркнес (за мали летала) и во Анденес на Андеја.

Населението на Вестеролен брои 30.648 (2004) жители.^[4] Најголемо населено место е Суртлан, но обласната болница е во соседниот Стокмаркнес, седиште на општината Хадсел. Во Андеја има воздухопловна станица на Норвешкото воено воздухопловство каде се чуваат сите авиони за поморска патрола „П-3 Орион“, а тука е сместена и истоимената база за испитувачки ракети. Во Суртлан се наоѓа северната база на Норвешката крајбрежна стража.

Рибарството игра важна улога во стопанството на областа, особено уловот на бакалар. Застапено е и рибникарството, а донекаде и земјоделството.

• 
  Средното земјоделско училиште во Клејва, Суртлан
• 
  Селото Никсунд во 2004 г.
• 
  Поглед кон Река, Суртлан
• 
  Северната поларна светлина, видлива од цел Вестеролен

„Вестеролен“ на Ризницата ?

• Портал за Вестеролен style="background:#FFC7C7;color:black;vertical-align:middle;text-align:center;" class="table-no"|Не
• Областен совет на Вестеролен style="background:#FFC7C7;color:black;vertical-align:middle;text-align:center;" class="table-no"|Не
• Вестеролен — група на Flickr

п р у Општини во Нурлан Вестеролен Андеј Бe Екснес Суртлан Хадсел Лофотен Вереј Вествогеј Воган Москенес Рест Флакстад Офотен Баланген Евенес Лединген Нарвик Тисфјорд Тјелдсунд Салтен Бејарн Буде Гилдескол Мелеј Салтдал Серфол Стејген Фауске Хамареј Хелгеланд Алстахауг Биндал Бренеј Вевелстад Вега Вефсн Гране Дена Лејрфјорд Луреј Несна Рана Редеј Семна Трена Хатфјелдал Хемнес Хереј

68°41′45″N 15°24′47″E / 68.69583°N 15.41306°E / 68.69583; 15.41306