Владимир Четкар
Владимир Четкар — македонски композитор, аранжер, продуцент, гитарист и вокал, со седиште во Њујорк. Роден е во Охрид, Македонија каде во детството свирел виолина.[1] Бил под големо влијание од џез, фанк, соул и диско бендови и музичари како Change, Chic, Earth Wind and Fire, Патрис Рушен, Камео, The Brothers Johnson, Wes Montgomery, George Benson, Quincy Jones, Jamiroquai и многу други. Подоцна во животот, Владимир отишол во Соединетите Држави за да се образува на музичкиот колеџ Беркли. Тука, се сосредоточил на современо пишување и продукција со џез-гитара како негов главен инструмент. Неговите оригинални албумски изданија „Никогаш нема да завршиме“, „Небесно“ и „Одиме дома“ биле прифатени од критиката и го позиционирале на меѓународно ниво како едно од најистакнатите имиња во жанрот џез-сул-фанк[2] и му обезбедиле учество на турнеи со насловни настапи на некои од најголемите и најпрестижните меѓународни музички џез-фестивали како Сигет фестивалот (Унгарија), џез-фестивалот Блу ноут (САД), Меѓународниот џез-фестивал во Џакарта (Индонезија), џез-фестивалот на островот Пенанг (Малезија), џез-фестивалот во Хонгконг, џез-фестивалот во Беишан (Кина), џез- фестивалот Хуа Хин (Тајланд), Индиго расположение (Индија), Нишвил (Србија), Охридско лето и многу други.[3] Меѓународните критичари го сметаат за едно од највозбудливите имиња во својот жанр, свежа музичка сила која е единствена во денешната музичка индустрија поради фактот што тој самиот продуцира, компонира, оркестрира, аранжира и изведува своја оригинална музика, совршен музичар кој веќе импресионирал многу од своите лични влијанија, почнувајќи од легендарни продуценти како што се Давиде Романи од Change (бенд), Леон Вер, Боб Ести (Casablanca Records), Патрик Адамс (Salsoul Records, Prelude Records), Том Мултон, гитарската легенда Џорџ Бенсон, како и француските диско витези од Плејбој Меншн Димитри од Париз и Боб Синклар.[4] Неговата музика е претставена на меѓународно ниво од истакнати музички етикети како што се P-Vine Records (Јапонија), C&L Music (Јужна Кореја), Hitman Jazz Records (Тајланд и Југоисточна Азија), Expansion Records (Обединето Кралство) и други, додека постојано се емитува на национални и специјализирани радија на глобално ниво. Студиски албуми
Наводи
Надворешни врски |
||||||||||||||
Portal di Ensiklopedia Dunia
