Гетингенски универзитет

Гетингенски универзитет

Georg-August-Universität Göttingen
латински: Universitas Regiæ Georgiæ Augustæ
Гесло	In publica commoda (латински)[1]
На македонски	За доброто на сите
Вид	јавен
Основан	1734
Буџет	1,119 млрд. €[2]
Претседател	Улрике Бајзигел
Административен кадар	4.446[3]
Студенти	31.500[4]
Место	Гетинген, Германија
Мреж. место	www.uni-goettingen.de

Гетингенски универзитет (германски: Georg-August-Universität Göttingen; службено наречен Гетингенски универзитет „Георг Август“) — истражувачки универзитет во градот Гетинген, Германија. Бил основан во 1734 година од Џорџ II, крал на Велика Британија и изборен кнез на Хановер и започнал со работа во 1737 година, со што универзитетот е најстар во сојузната покраина Долна Саксонија и најголем по број на студенти, што е околу 31.500 студенти.^[5] Дом на многу познати личности, универзитетот претставува една од историските и традиционални установи во Германија. Гетинген е наречен „град на науката“.^[6]

Гетингенскиот универзитет бил претходно поддржуван од иницијативата на сојузното министерство за извонредност, има членство во „Група Коимбра“ и се поврзува со над 40 добитници на Нобелова награда. Понатаму, универзитетот одржува силни врски со големи истражувачки институти со седиште во Гетинген. Со околу 8 милиони единици материјал, Гетингенската државна и универзитетска библиотека спаѓа меѓу најголемите библиотеки во Германија.

• Гетинген

• Гетингенски универзитет на Ризницата ^?
• Официјална страница

51°32′31″N 9°56′04″E / 51.54194°N 9.93444°E / 51.54194; 9.93444