Дарио Срна

Дарио Срна
Лични податоци
Полно име	Дарио Срна[1]
Роден на	1 мај 1982(1982-05-01) (43 г.)[1]
Роден во	Метковиќ, СР Хрватска, СФРЈ[1]
Држава	Хрватска
Висина	&100000000000001780000001,78 м[2][3]
Играчки податоци
Позиција	одбрана, среден ред
Сегашен клуб	Шахтар Донецк (спортски директор)
Повлекување	2019 (37 г.)
Младинска кариера
	Хајдук Сплит
Кариера*
Години	Клуб	Наст.†	(Гол.)†
1999-2003	Хајдук Сплит	69	(7)
2003-2018	Шахтар Донецк	319	(33)
2018-2019	Каљари	26	(0)
Репрезентација
2002-2016	Хрватска	134	(22)

Дарио Срна (роден на 1 мај 1982 година, во Метковиќ) — поранешен хрватски фудбалер, играч од одбраната или од средниот ред.

Кариерата ја започнал во Хајдук Сплит во татковината, а потоа преминал во украинскиот клуб Шахтар Донецк во кој поминал најголем дел од својата кариера. После цели 15 години во Шахтар, во 2018 година тој потпишал за италијанскиот Каљари, каде ја одиграл последната сезона во кариерата забележувајќи преку 20 настапи во Серија А.

Тој е поранешен репрезентативец на Хрватска за која настапил 134 пати и бил играчот со најмногу настапи за својата земја, се до 2021 година, кога Лука Модриќ го престигнал.

По завршувањето на играчката кариера започнал да работи како спортски директор во клубот во кој се задржал најдолго во својата кариера, Шахтар Донецк.

Талентот на Срна беше увиден од многу скаути во Хрватска, додека бил млад. Тој подоцна стигна и до договор со еден од двата најквалитетни тимови во Хрватска, тимот на Хајдук Сплит.

Во 2003 година, Срна беше продаден, заедно со голманот Стипе Плетикоса во Шахтар Донецк. Тој е многу чест член на тимот и наскоро станува капитен во неговиот нов клуб, за кого има направено големо влијание во лигата.

По завршувањето на Светското првенство 2006, Бенфика се интересираше за потписот на играчот, но ништо не се случи, по што многумина тој обид го сметаат за одбиена продажба. Оттогаш, тој се поврзува со голем број на други клубови, вклучувајќи го и Лацио.

Срна го направи своето деби во групната фаза на Лигата на шампионите на 14 септември 2004 против Милан.

На 20 мај 2009 година, Срна го освои Купот на УЕФА во неговото последно издание, и го подигна трофејот како капитен на Шахтар. Срна му асистираше на Жадсон за победоносниот гол по седум минути игра во продолжението. Следната сезона ова натпреварување беше пременувано во Лигата Европа.

Срна беше во тимот на Шахтар кој стигна до четвртфиналето во Лигата на шампионите во сезоната 2010/2011, каде што загубија од подоцнежниот шампион Барселона. Срна имаше 5 асистенции во 5 меча.

На 22 јуни 2018, Срна потпишал едногодишен договор со италијанскиот Каљари, со можност за продолжување за уште една година ако двете страни бидат задоволни од соработката.^[4]

• Прва ХНЛ : 1

2000-2001

• Куп на Хрватска : 2

1999-2000, 2002-2003

• Премиер лига на Украина : 10

2004–2005, 2005–2006, 2007–2008, 2009–2010, 2010–2011, 2011–2012, 2012–2013, 2013–2014, 2016-2017, 2017-2018

• Куп на Украина : 8

2003–2004, 2007–2008, 2010–2011, 2011–2012, 2012–2013, 2015–2016, 2016–2017, 2017–2018

• Суперкуп на Украина : 8

2005, 2008, 2010, 2012, 2013, 2014, 2015, 2017

• Куп на УЕФА : 1

2008-2009

„Дарио Срна“ на Ризницата ?

• Darijo Srna Архивирано на 22 февруари 2009 г. at the official Shakhtar Donetsk website
• Дарио Срна – Профил на службената страница на ФИФА

п р у Состав на Хрватска на СП 2014 1 Плетикоса 2 Врсаљко 3 Прањиќ 4 Перишиќ 5 Ќорлука 6 Ловрен 7 Ракитиќ 8 Вукоевиќ 9 Јелавиќ 10 Модриќ 11 Срна 12 Зеленика 13 Шилденфелд 14 Брозовиќ 15 Бадељ 16 Ребиќ 17 Манџукиќ 18 Олиќ 19 Самир 20 Ковачиќ 21 Вида 22 Едуардо 23 Субашиќ С.: Н. Ковач

п р у Состав на Хрватска на ЕП 2016 1 Варгиќ 2 Врсаљко 3 Стриниќ 4 Перишиќ 5 Ќорлука 6 Једвај 7 Ракитиќ 8 Ковачиќ 9 Крамариќ 10 Модриќ 11 Срна 12 Л. Калиниќ 13 Шилденфелд 14 Брозовиќ 15 Чориќ 16 Н. Калиниќ 17 Манџукиќ 18 Рог 19 Бадељ 20 Пјаца 21 Вида 22 Чоп 23 Субашиќ С.: Чачиќ