Деведесет и четврто доделување на наградите Оскар

Деведесет и четвртото доделување на наградите Оскар или Оскари 2022, презентирано од Академијата за филмски уметности и науки (АМПАС), ги одликуваше најдобрите филмови издадени помеѓу 1 март и 31 декември 2021 година и се одржа во театарот Долби во Холивуд, Лос Анџелес, Калифорнија на 27 март 2022 година.^[2][3] Водители на церемонијата биле Ејми Шумер, Ванда Сајкс и Реџина Хол.^[4]

Номинациите за дваесет и три категории биле објавени на 8 февруари 2022 година од глумците Трејси Елис Рос и Лесли Џордан.^[5] Моќта на кучето заработил номинации во дванаесет категории, а веднаш зад него се нашол Дина, кој заработил номинации во десет категории. Дина бил најуспешен филм со победа во шест категории, зад него, Кода: Дете на глуви родители победил во три категории, вклучително и во категоријата најдобар филм.

Поради континуираното влијание на пандемијата од КОВИД-19 на кинематографијата, изменетите критериуми за учество од деведесет и третото доделување на наградите Оскар (како што се вклучувањето на филмови издадени директно на дигитални платформи и обезбедувањето флексибилност за филмови кои биле прикажани во градови покрај Лос Анџелес) останаа на сила. Бидејќи деведесет и третото доделување на наградите Оскар вклучило филмови кои биле издадени до февруари 2021 година, единствено филмови издадени во периодот помеѓу 1 март и 31 декември 2021 година имале право да се натпреваруваат на деведесет и четвртото доделување на наградите Оскар.^[6][7]

Гласањето за номинациите било завршено на 1 февруари 2022 година. Номинациите биле објавени на 8 февруари 2022 година од глумците Трејси Елис Рос и Лесли Џордан.^[5] Церемонијата е планирана да се одржи на 27 март 2022 година во театарот Долби. Било објавено дека датумот е одбран со цел да се избегне судир со Зимските олимписки игри 2022 одржани во Пекинг (кои траеле во периодот 4–20 февруари 2022 година) и Суперболот (кој бил одржан на 13 февруари 2022 година).^[6][7] Дополнително, поради влијанието на пандемијата од КОВИД-19 на шеесет и четвртото доделување на Наградите Греми, за прв пат по 1965 година, доделувањето на Наградите Греми ќе се одржи по доделувањето на Наградите на академијата.

Моќта на кучето е првиот филм режиран од жена кој добил повеќе од десет номинации, додека пак неговата режисерка, Џејн Кемпион, е првата жена која добила повеќе од една номинација за Оскар за најдобар режисер.^[8] Кода: Дете на глуви родители е првиот филм во продукција на Apple Original Films, и првиот филм со претежно глуви глумци во главните улоги кој е номиниран за Оскар за најдобар филм; меѓу глумечката екипа, Трој Коцур е првиот глув глумец кој добил номинација за награда за глума (во категоријата најдобар глумец во споредна улога). Тој е вториот глув глумец во историјата кој заработил номинација за глума, по Марли Матлин, која освоила Оскар за најдобра глумица за изведбата во Деца на помалиот бог (1986).^[9]

Вози ја мојата кола е првиот јапонски филм номинран за најдобар филм, додека пак неговиот режисер Рјусуке Хамагучи, е третиот јапонски режисер номиниран за најдобар режисер.^[10] Бегај е првиот филм номиниран истовремено во категориите најдобар анимиран филм, најдобар странски филм и најдобар документарен филм.^[11] Кенет Брана е првиот човек кој добил номинации во седум различни категории со добиените номинации за најдобар филм и најдобро оригинално сценарио за Белфаст.^[12]

Приказна од западната страна во режија на Стивен Спилберг е втора адаптација на истоимениот бродвејски мјузикл од 1957 година; првата адаптација добила Оскар за најдобар филм во 1962 година. Со номинацијата за најдобар филм, Спилберг станал индивидуалец со најмногу номинации во категоријата, вкупно единаесет. Номинацијата на Спилберг за најдобар режисер го прави него првиот режисер со номинација во таа категорија во шест последователни декади.^[13] Пол Тазевел станал првиот афроамериканец костимограф номиниран за Оскар за најдобра костимографија за неговата работа во Приказна од западната страна.^[14] Пица со сладунец на Пол Томас Андерсон е првиот целосно продуциран, рекламиран и дистрибуиран филм на Метро-Голдвин-Мајер кој добил номинација за најдобар филм во 33 години, по добитникот на Оскар за најдобар филм од 1988 година, Дождовен човек.^[15]

Со улогите во Не гледај нагоре и Улица на кошмарите, Кејт Бланшет станала првата глумица со улоги во девет номинирани филмови за најдобар филм, надминувајќи ја Оливија де Хевиленд која глумела во осум.^[16] Оливија Колман и Џеси Бакли добиле номинации за иста улога во филмот Загубената ќерка, што било само трет пат во историјата две личности да бидат номинирани за изведба на иста улога во ист филм.^[17] Номинациите за Кристен Стјуарт (Спенсер) и Аријана ДеБос (Приказна од западната страна) означиле за прв пат две LGBTQ+ глумици да бидат номинирани во иста година.^[18] Исто така за прв пат во една година два пара биле номинирани за награди, венчаниот пар Пенелопе Круз и Хавиер Бардем (Круз за Паралелни мајки; Бардем за Да се биде Рикардо), како и верениот пар Кирстен Данст и Џеси Племонс (двајцата за Моќта на кучето); нивните колективни номинации ги опфаќаат сите четири глумечки категории.^[19]

Победниците ќе бидат подредени први и ќе бидат напишани со задебелени букви.

На 24 јуни 2021 година, Академијата ги објавила победниците на дванаесетите Гувернерски награди.^[20][21] Следните награди ќе бидат презентирани:^[22]

Добитници на почесен Оскар

• Самуел Л. Џексон – „Сем Џексон е културна икона чија динамична работа одекнува низ декади, генерации и публики ширум светот“
• Елејн Меј – „За смелиот, бескомпромисен пристап на Елејн Меј кон снимањето филмови, како сценарист, режисер и глумец“
• Лив Улман – „Храброста и емоционалната транспарентност на Лив Улман и подарија на публиката длабоко влијателни улоги на екранот“

Хуманитарна награда Џин Хершолт

• Дени Гловер – „Децениското застапување на Гловер за правда и човекови права ја одразува неговата посветеност да ја препознае нашата заедничка хуманост на и надвор од екранот“

• Oscars 2022 Start times & TV Coverage Архивирано на 21 февруари 2022 г.

• Официјално мрежно место на наградите на Академијата
• Официјално мрежно место на Академијата