Демократска партија на Македонија

Да не се поистоветува со Демократска партија

Демократска партија на Македонија (ДПМ) — поранешна политичка партија од Република Македонија.

Партијата за првпат учествувала на парламентарните избори во 1994 каде што добила 1,5% од вкупниот број на гласови во првиот, односно 1% во вториот круг. На овие избори партијата освоила едно пратеничко место^[1] (Томислав Стојановски).^[2] На парламентарните избори во 1998 година партијата настапила во коалиција со Либерално-демократската партија. Коалицијата освоила четири пратенички места, сите припаднале на ЛДП.^[1]

Партијата самостојно учествувала на следните парламентарни избори во 2002, но освоила 0,2% од гласовите без пратеничко место. По овие избори партијата не учествувала во ниеден нареден изборен циклус.^[3]