Единици за пренос на податоци

Во телекомуникациите, битовата стапка (bitrate) или проточноста на преносот на податоците претставува просечен број на битови, знаци или блокови по единица време кој проаѓа од една до друга направа по пат на систем за пренос на податоци. Ова најчесто се мери со содржатели на единиците бит во секунда или бајт во секунда.

За да се биде што е можно појасен, мора да се знаат и претставката и наставката на единицата. На пример, кратенката „2 mb“ може да се разложи на 4 различни начини („мега-“ наспроти „меби-“ и „-бит“ наспроти „-бајт“). Разликата во односните броеви може да биде огромна:

Табелата погоре прикажува приближно 5% разлика помеѓу соодветните мега- и меби- единици со 700% разлика помеѓу -бит и -бајт единиците. Точната употреба на единиците е од голема важност бидејќи различните толкувања можат да доведат до 740% разлика во количината на податоци што се зема во една единица (разликата може да стане и поголема за единици со различна претставка).

'к-' означува кило, што изнесува 1.000, додека пак 'Ки-' означува „килобинарно“, што изнесува 1.024. Стандардизираните бинарни претставки како Ки- се релативно скоро воведени и сè уште не се нашироко прифатени. 'К-' честопати се користи со значење 1.024, особено кај 'КБ' (килобајт).

'б' значи 'бит', а 'Б' значи 'бајт'. Меѓутоа некои велат дека 'бит' не треба да крати бидејќи тој е веќе кратенка од „бинарен број“, а разликата помеѓу битот и бајтот може да доведе во забуна. Во контекст на единици за проточност, еден бат се однесува на 8 бита. На пример, кога се рекламира линија од „1 Мб/с“, обично значи дека максималната достижна брзина на преземање е 1 мегабит/с (милион бита во секунда), што е всушност 0,125 МБ/с (мегабајт во секунда), или околу 0,1192 МиБ/с (мебибајт во секунда).

Килобит во секунда (кбит/с или kbps) е единица за проточност на податоци еднаква на:

• 1.000 бита во секунда или
• 125 бајти во секунда.

Мегабит во секунда (Мбит/с или Mbps) е единица за проточност на податоци еднаква на:

• 1.000.000 бита во секунда или
• 1.000 килобита во секунда или
• 125.000 бајти во секунда.

Гигабит во секунда (Гбит/с или Gbps) е единица за проточност на податоци еднаква на:

• 1.000 мегабита во секунда или
• 1.000.000 килобита во секунда или
• 1.000.000.000 бита во секунда

Терабит во секунда (Тбит/с или Tbps) е единица за проточност на податоци еднаква на:

• 1.000.000.000.000 бита во секунда
• 1.000.000.000 килобита во секунда или
• 1.000.000 мегабита во секунда или
• 1.000 гигабита во секунда или
• 125.000.000.000 бајти во секунда.

Повеќе за претставки како киби-, меби-, гиби-, теби- ќе најдете на: Бинарна претставка.

Кибибит во секунда (Кибит/с или Kib/s) е единица за проточност на податоци еднаква на 1,024 бита во секунда. Зборот „кибибит“ не се пишува со големи букви, туку само кратенката „Кибит“.

Мебибит во секунда (Мибит/с или Mib/s) е единица за проточност на податоци еднаква на:

• 1.048.576 бита во секунда или
• 1.024 кибибита во секунда.

Гибибит во секунда (Гибит/с или Gib/s) е единица за проточност на податоци еднаква на:

• 1.073.741.824 бита во секунда или
• 1.048.576 кибибит во секунда или
• 1.024 мебибита во секунда.

Тебибит во секунда (Тибит/с или Tib/s) е единица за проточност на податоци еднаква на:

• 1.099.511.627.776 бита во секунда или
• 1.073.741.824 кибибита во секунда или
• 1.048.576 мебибита во секунда или
• 1.024 гибибита во секунда.

Килобајт во секунда (кБ/с или kBps) е единица за проточност на податоци еднаква на:

• 8.000 бита во секунда, или
• 1.000 бајти во секунда, или
• 8 килобита во секунда.

Мегабајт во секунда (МБ/с или MBps) е единица за проточност на податоци еднаква на:

• 8.000.000 бита во секунда, или
• 1.000.000 бајти во секунда, или
• 1.000 Килобајти во секунда, или
• 8 мегабита во секунда.

Гигабајт во секунда (ГБ/с или GBps) е единица за проточност на податоци еднаква на:

• 8.000.000.000 бита во секунда, или
• 1.000.000.000 бајти во секунда, или
• 1.000.000 килобајти во секунда, или
• 1.000 мегабајти во секунда, или
• 8 гигабита во секунда.

Терабајт во секунда (ТБ/с или TBps) е единица за проточност на податоци еднаква на:

• 8.000.000.000.000 бита во секунда, или
• 1.000.000.000.000 бајти во секунда, или
• 1.000.000.000 килобајти во секунда, или
• 1.000.000 мегабајти во секунда, или
• 1.000 гигабајти во секунда, или
• 8 терабита во секунда.

Повеќе за претставки како киби-, меби-, гиби-, теби- ќе најдете на: Бинарна претставка.

Кибибајт во секунда (КиБ/с или KiBps) е единица за проточност на податоци еднаква на:

• 1.024 бајти во секунда, или
• 8 кибибита во секунда, или
• 8192 бита во секунда.

Мебибајт во секунда (МиБ/с или MiBps) е единица за проточност на податоци еднаква на:

• 1.048.576 бајти во секунда, или
• 1.024 кибибајти во секунда, или
• 8 мебибита во секунда, или
• 8192 кибибита во секунда, или
• 8.388.608 бита во секунда.

Гибибајт во секунда (ГиБ/с или GiBps) е единица за проточност на податоци еднаква на:

• 1.073.741.824 бајти во секунда, или
• 1.048.576 кибибајти во секунда, или
• 1.024 мебибајти во секунда, или
• 8 гибибита во секунда, или
• 8192 мебибита во секунда, или
• 8.388.608 кибибита во секунда, или
• 8.589.934.592 бита во секунда.

Тебибајт во секунда (ТиБ/с или TiBps) е единица за проточност на податоци еднаква на:

• 1.099.511.627.776 бајти во секунда, или
• 1.073.741.824 кибибајти во секунда, или
• 1.048.576 мебибајти во секунда, или
• 1.024 гибибајти во секунда, или
• 8 тебибита во секунда.
• 8192 гибибита во секунда, или
• 8.388.608 мебибита во секунда, или
• 8.589.934.592 кибибита во секунда, или
• 8.796.093.022.208 бита во секунда.

• Бинарна претставка
• Битова стапка (bitrate)
• Величински редови (податоци)
• SI-претставка

• Меѓународна електротехничка комисија (2007). „Претставки за бинарни содржатели^{[мртва врска]}“ (англиски)
• IEC 60027-2 „Азбучни симболи за употреба во електротехнологијата“ – Дел 2: Телекомуникации и електроника+ Архивирано на 15 март 2016 г. (англиски)