Зонеберг

**Зонеберг**
	Зонеберг Sonneberg ;
	Градското собрание на ЗонебергГрадското собрание на Зонеберг
	Зонеберг
	Управа
Земја	Германија
Покраина	Тирингија
Округ	Зонеберг
Градоначалник	Хајко Фогт (независен)
	Основни податоци
Површина	84,69 км2
Надм. височина	400 м
Население	23.507 (31 декември 2022)
- Густина	278 жит/км2
	Други информации
Часовен појас	CET/CEST (UTC+1/+2)
Рег. табл.	SON, NH
Пошт. бр.	96501–96515
Повик. бр.	03675
Портал	www.sonneberg.de
Местоположба на градот Зонеберг во рамките на округот Зонеберг
	Карта
Координати	50°21′0″N 11°10′0″E / 50.35000°N 11.16667°E

Оваа статија се однесува на градот во Тирингија. За округот, погл. Зонеберг (округ).

Зонеберг (германски: Sonneberg; источнофранконски: Sumbarch) — град во сојузната покраина Тирингија, во Германија, кој претставува и административно седиште на истоимениот округ. Со блискиот горнофранконски град Нојштат кај Кобург во Баварија образува една географска и стопанска урбана целина.

Долго бил сметан за центар на индустријата на играчки и сè уште е добро познат по тоа. Во градот се наоѓа и PIKO, железнички производител, кој станал еден од малкуте претпријатија од ваков вид во земјите од Варшавскиот пакт и како таков ги снабдувал со возови сите железници на земјите од советскиот блок. Во Зонеберг се наоѓа и Германскиот музеј за играчки („Deutsches Spielzeugmuseum“).

Во поделената повоена Германија, Зонеберг „неприродно“ се нашол одвоен блискиот голем соседен град Кобург и поради тоа морал да се насочи кон север. Бил опслужуван со неприродно кривулеста железничка линија и така станал изолиран од остатокот на Источна Германија. Неговата железничка станица е класифицирана како главна железичка станица и е опслужувана на линијата Кобург-Зонеберг.

Географија

Местоположба

Градот се наоѓа во долините на реките Ретен и Штајнах, сместен непосредно на тириншко-баварската покраинска граница.

Соседни општини

Градот се граничи со следниве места (почнувајќи од десно, надесно): Грефентал (округ Залфелд-Рудолштат), Тетау (округ Кронах), Ферицтал (округ Зонеберг), Нојштат кај Кобург (округ Кобург), Франкенблик, Штајнах, Лауша и Нојхаус на Ренвег (сите во округот Зонеберг).

Градски единици

Согласно статутот на градот Зонеберг, градот се состои од следниве единици:

Бетелхекен
Хенбах
Хитенштајнах
Кепелсдорф
Малмерц
Миршниц
Нојфанг
Оберлинд

Обере Штат (Алтштат)
Штајнбах
Унтере Штат (Иненштат)
Унтерлинд
Вед
Волкенразен
Шпехтсбрун
Хазентал

Форверк
Хазелбах
Шнајдемиле
Фридрихстал
Ешентал
Георгсхите
Блеххамер
Хитенгрунд

Покрај нив, градски четврти се Обере Штат (Алтштат) и Унтере Штат (Иненштат).

Припојувања

1919: Бетелхекен
1922: Хенбах
1923: Нојфанг
1950, 1 јули: Кепелсдорф (во 1923 г. се споиле Хитенштајнах, Кепелсдорф и Штајнбах), Малмерц, Миршниц и Оберлинд
1994, 30 јуни: Унтерлинд
2013, 31 декември: Оберланд на Ренштајг (на 1 јануари 1997 година се споиле Енгництал и Хазелбах)