Ивче Јованов

Ивче Јованов, роден со името Ивче Орданов Јованов (Крива Круша, 21 октомври 1918 — Раштански Колиби, 10 септември 1944) — македонски партизан и член во НОВМ. Тој бил учесник во народната ослободителна борба во Македонија. Член во осмата македонска ударна бригада. Тој е исто така бил дел од комунистичката партија на Југославија и Комунистичката партија на Македонија. За време на битката кај Раштански Колиби тој храбро и трагично загинал. Во споменикот на сите загинати во таа битка неговото име е грешно претставено како Ивче Јорданов Вецов.

Роден е во 1918 година, за време на првата светска војна, во сиромашно земјоделско семејство. Завршил со основно школско образование во неговото родно село и одлучил да не продолжи со средно школско образование. Почнал да работи како земјоделец заедно со неговата фамилија. Во втората половина на 1930-тите години тој си го служел воениот рок на поранешната Југославија.^[1]

За време на ослободителното движење тој одлучил да го искористи неговото воено знаење и се приклучил во осмата македонска ударна бригада во 2-ри септември 1944 година. По неколку дена во 10-ти септември истата година бил учесник во Битката кај Раштански Колиби кадешто храбро и трагично загинал. После Војната неговите посмртни остатоци биле пренесени во неговото родно село.^[1] Во 11-ти октомври 1979 година, неговите посмртни остатоци заедно со други партизани биле пренесени во велешката костурница, каде што се наоѓа и ден денес.^[2]

1. ↑ ^{1,0 1,1} Малковски, Ѓорѓи (1985). Велес и Велешко во Народно ослободителна војна 1941-1945, Спомен книга. Општински одбор на сојузот на здруженијата на борците од НОВ - Титов Велес. стр. 61.
2. ↑ Данов, Љупчо (4 март 2018). „Што поскоро – толку подобро и повеќе од потребно е враќањето на плочите со имињата на загинатите борци во Спомен костурницата во Велес“. Дума.мк.