Икер

**Икер**
	Каналот Укер кај Зехаузен (Укермарк)
Место	Германија, Бранденбург и Мекленбург-Западна Померанија
Должина	98 км
Извор	кај Алт Темен ; 53°04′05″N 13°42′49″E / 53.068107°N 13.713652°E
Висина на изворот	69 м над м.н.
Утока	во Шчеќински Залив; 53°45′00″N 14°04′01″E / 53.75°N 14.067°E
Слив	Икер
Одлив	Шчеќински Залив
Слив	2.200 км²
Истек	Просечен среден: 7,65 м³/с
Десни притоки	Рандов, Зеграбен, Милграбен
Леви притоки	Шифе Мене (Кентоп), Беке, Куграбен, (Штрасбургер) Милбах, Кинапелграбен, Хамерграбен
Езера	Големо Кринертско, Дистерско, Миленско, Берендско, Големо Ланке, Оберукерско, Унтерукерско
Паланки	Пренцлау, Пазевалк, Торгелов, Икерминде

Икер или Укер^[1](германски: Uecker или германски: Ucker) — река во североисточните германски покраини Бранденбург, каде е позната и како Укер, и Мекленбург-Западна Померанија. Нејзиниот извор се наоѓа во округот Укермарк, близу селото Алт-Темен. Тече северно низ Оберукерското, Моленското и Унтерукерското Езеро, каде се наоѓа стариот град Пренцлау. Близу малото село Ниден (на граница помеѓу Бранденбург и Мекленбург-Западна Померанија), Укер го менува името во Икер. Продолжува северно низ градовите Пазевалк и Торгелов и поминува низ општината Егесин. Тука се влева реката Рандов. Во Икерминде, Икер се влева во Шчеќинскиот Залив, кој е поврзан со Балтичкото Море низ трите премини Пене, Швина и Ѓивна.

Името „Икер“ потекнува од полапскиот збор vikru/vikrus, кој означува „брз“.^[2] Икер го дели своето име со историската област Укермарк, округот Укермарк и поранешниот округ Икер-Рандов.