Кавалски Залив

Кавалски Залив Κόλπος της Καβάλας
Подрачје	Правишко, Кавалско и Саришабанско, Егејска Македонија
Координати	40°53′N 24°28′E / 40.89°N 24.46°E / 40.89; 24.46
Вид	залив
Дел од	Егејско Море
Сливни земји	Грција
Најг. должина	12 км
Најг. ширина	28 км
Прос. длабочина	32 м
Најг. длабочина	60 м

Кавалски Залив (грчки: Κόλπος της Καβάλας) — залив на Егејското Море во источна Егејска Македонија. Раздвоен е од т.н. Тракиско Море со островот Тасос. На неговиот брег излегуваат традиционалните краишта Правишко, Кавалско и Саришабанско.

Заливот се протега од ’ртот Врасида на југозапад до ’ртот Керемидли на југоисток. Широк е 28 км и навлегува 12 км во правец на копното.^[1] Има полукружен облик со благи подводни косини кои стануваат пострмни близу брегот. Просечната длабочина изнесува 32 м, а најголемата е 60 м во подрачјето западно од Тасос. Од тој остров одвоен е со Тасоскиот Проток, широк 13,5 км).^[2]

Градот Кавала е сместен приближно во средината на заливскиот брег. Западно од него се туристичките населби како Кале Чифлик и Нова Ираклица, а на исток има индустриски капацитети и земјоделски површини. Во источниот дел од заливот има и низа лагуни.^[2] Загадувањето доаѓа од градскиот отпад на Кавала и други крејбрежни места, од земјоделството, од фабриката за фосфатни ѓубрива и од вадењето нафта.^[3]

• Поморска карта на Кавалскиот Залив со неговите пристаништа Архивирано на 15 мај 2023 г. (грчки)