Кошички Крај
Кошички Крај (словачки: Košický kraj; унгарски: Kassai kerület; украински: Кошицький край) ― еден од осумте краеви во Словачка. Регионот за првпат бил основан во 1923 година, а сегашните граници биле воспоставени во 1996 година. Се состои од 11 окрузи и 440 општини, од кои 17 имаат градски статус. Околу една третина од населението во регионот живее во агломерацијата Кошице, која е нејзин главен економски и културен центар. ГеографијаКрајот е сместен во јужниот дел на источна Словачка и зафаќа површина од 6.752 км 2. Западниот дел на регионот е составен од источниот дел на Словачките Рудни Планини, вклучувајќи ги и неговите делови: Словачки Карст, Словачки Рај, Воловски Планини, Црна Гора. Сливот Хорнад се наоѓа на северозапад. Областа помеѓу Словачките Рудни Планини и Сланските Планини е опфатена со Кошичкиот Слив, именуван по градот. Областа источно од Сланските Планини е опфатена со Источнословачката Низина и има вулкански опсег, Вихорлатските Планини, на североисток, близу до украинската граница. Поголемите реки се Слана на југозапад, Хорнад на запад и центар, Уж и Бодрог на исток, заедно со мал дел од реката Тиса на крајниот југоисток. Што се однесува до административните поделби, регионот се граничи со Прежовскиот крај на север, Закарпатската област на Украина на исток, со окрузите Саболч-Сатмар-Берег и Боршод-Абауј-Земплен на Унгарија на југ и со регионот Банска Бистрица на запад. Демографија
Просечната густина на населението во регионот е 117,9 жители на км2, што е многу слично со просекот на земјата (110 на км2). Најголемите градови се Кошице, Михаловце, Списка Нова Вес, Требичов и Рожава. Според пописот од 2001 година, во регионот имало 766.012 жители, со мнозинство Словаци (81,8%), но има многу унгарско малцинство (11,2%) на југот, а има и малцинства Роми (3,9%) и Чеси (<1%).[2] ЕкономијаЕкономијата на Кошицичкиот крај претставувала 11,47% од словачкиот БДП во 2013 година, што го направило регион со втор најголем БДП во Словачка по Братиславскиот Крај. Сепак, заостанува зад поголемиот дел од словачките региони во БДП по глава на жител.[3] Платите во просек се 40% повисоки во Братиславскиот отколку во Кошичкиот Крај, но и таму трошоците за живот се значително поголеми.[4] Невработеноста во регионот била 15,6% во 2014 година.[4] Административна поделбаКошичкиот Крај се состои од 11 области. Во самиот град Кошице има четири окрузи, седум окрузи се надвор од градот. Постојат 440 општини, од кои 17 се градски. ПоврзаноНаводи
Надворешни врски
|
|||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
