Кралица

Кралица е женски монарх кој владее над држава, додека царица е женски монарх кој владее над царство (империја). Машката верзија на кралица е крал. Меѓутоа, многу почесто во историјата, оваа титула е куртоазна наместо владејачка, и едноставно означува дека жената е сопруга на владетелот.

Во древен Египет, Античка Персија, Азијиските и Пацифичните култури, и некои европски земји, на женските монарси им била доделена титулата крал. Византиската царица Ирина понекогаш себеси се нарекувала basileus (βασιλεύς) - "цар", отколку basilissa (βασίλισσα) - "царица“, и Јадвига од Полска била крунисана како Rex Poloniae - кралот на Полска.

Меѓу Давидските Монарси од Јудејското царство, се споменува само една кралица, Готолија, иако во Хебрејската Библија таа е негативно прикажана. Многу подоцна Хасмонејската кралица Салома Александра (Shlom Tzion) била многу популарна.

Наследството може да биде матрилинеално, патрилинеалното, или и двете. Правото на наследство можат да го имаат и мажите и жените, или да е ограничено само за мажите или само за жените.

Во 2011 година, Британскиот Комонвелт се согласи да го отстрани владеењето на патрилинеалното првородство.

Во Кина, Ву Зетиан станала кинеска царица и ја формира Џоу династијата по отпуштањето на нејзините синови. Треба да се напомене дека, сепак, царицата Ву ја користела титулата huangdi ("цар") што е спротивно на huanghou ("царица") и била често нарекувана, и во азиски и европски извори, женски император, а во еден била наречена царица. Слично на тоа, неколку децении порано во Кореја, кралиците Сеондеок од Сила и Јиндеок од Сила го развиле терминот yeowang ("женски крал") за себе наместо терминот hwanghu, што обично се преведувало како "кралица" и се однесувал на сопругата на кралот или царот.

Иако Хризантемскиот престол на Јапонија во моментов е забранет за жени, ова не било секогаш случајот; во текот на јапонската историја имало осум царици. Во Јапонскиот јазик се користи терминот josei tennō ("женски цар") наместо "царица", а терминот kōgō се користи за сопругата на царот.

• „Сиромашната девојка која станала кралица“ – полска народна приказна.^[1]
• „За принцезата маѓепсана во змија“ – полска народна приказна.^[2]
• „За проколнатата принцеза“ – полска народна приказна.^[3]
• „Марцика и проколнатата принцеза“ - унгарска народна приказна.^[4]
• „Портрет на инфантата“ - песна на рускиот поет Павел Антокољски.^[5]
• „Вештерката“ — кус расказ на британската писателка Џоана Волш од 2015 година.^[6]
• „Принцезата и пенисот“ — кус расказ на британската писателка Џоана Волш од 2015 година.^[7]
• „Мртвата кралица“ - книга на францускиот писател Анри де Монтерлан.
• „Кралицата и шутот“ - кус расказ на ирскиот писател Вилијам Батлер Јејтс од 1901 година.^[8]
• „Принцезата Брамбила“ - роман на германскиот писател Е. Т. А. Хофман.^[9]
• „Принцеза“ - песна на полскиот поет Збигњев Херберт.^[10]

• „Павана за мртвата принцеза“ (француски: Pavane pour une infante defunte) - композиција на францускиот композитор Морис Равел.^[11]
• „Тетоважите на кралицата“ (англиски: Queen's Tattoos) - песна на британската група Ацтек камера (Aztec Camera) од 1983 година.^[12]
• „Нејзиното височество“ (англиски: Her Majesty) - песна на британската поп-рок група Битлси од 1969 година.^[13]
• „Кралица-Кучка“ (англиски: Queen Bitch) - песна на британскиот поп-рок-музичар Дејвид Боуви од 1971 година.^[14]
• „Кралицата и војникот“ (англиски: The Queen and the Soldier) - песна на американската поп-музичарка Сузан Вега (Suzanne Vega) од 1985 година.^[15]
• „Господе, спаси ја кралицата“ (англиски: God Save the Queen) — песна на британската панк-рок група The Exploited од 1983 година.^[16]
• „Кралицата и помрачувањето“ (англиски: The Queen And The Eclipse) — композиција на британското електронско дуо The New London School Of Electronics од 1994 година.^[17]
• „Господе, спаси ја кралицата“ (англиски: God Save the Queen) - песна на британската панк-рок група Секс пистолс (Sex Pistols).^[18]
• „Кралицата е мртва“ (англиски: The Queen is Dead) - песна од истоимениот албум на британската поп-рок група Смитс (The Smiths) од 1986 година.^[19][20]
• „Планетарна кралица“ (англиски: Planet Queen) - песна на британската рок-група Т. Рекс (T.Rex) од 1971 година.^[21]
• „Кралица“ - песна на македонската рок-група The John од 2012 година.^[22]

• „Хлебинската кралица под ѕвездите“ (Hlebinska kraljica pod zvijezdama) - слика на хрватскиот уметник Јосип Генералиќ од 1989 година.^[23]

• Queens Regnant throughout the times