Круг

Во Евклидовата геометрија, круг е множество од сите точки во рамнината кои се наоѓаат на еднакво растојание, наречено полупречник, од дадена точка, наречена центар. Кружницата е проста затворена крива, која ја дели рамнината на внатрешен и надворешен дел. Внатрешноста заедно со самата кружница се нарекува круг.

Во x-y координатен систем, кружница со центар во (a, b) и полупречник r е множеството од сите точки (x, y) такви што

${\displaystyle \left(x-a\right)^{2}+\left(y-b\right)^{2}=r^{2}}$.

Ако кружницата има центар во координатниот почеток (0, 0), тогаш оваа формула добива упростен облик

${\displaystyle x^{2}+y^{2}=r^{2}}$.

Кружницата со центар во координатниот почеток и со полупречник 1 се нарекува единична кружница.

Периметарот на кругот се пресметува според фурмулата:^[1] L = d x π, каде: d е дијаметарот на кругот, а бројот π има приближна вредност од 3,41. Слично на тоа, периметарот може да се пресмета и како: L = 2r x π, каде r е радиусот на кругот. Плоштината на кругот со радиус r се пресметува со следнава формула: P = π x r²

Кругот се јавува и како тема во бројни дела од областа на уметноста и популарната култура, како:

• „Кружни урнатини“ — расказ на аргентинскиот писател Хорхе Луис Борхес.^[2]
• „Високи кругови“ — песна на францускиот писател Андре Бретон.^[3]
• „Круг“ — песна на југословенскиот поет Мак Диздар.^[4]
• „Суровостите на кругот“ — збирка поезија на Мак Диздар од 1960 година.^[5]
• „Кругови на водата“ — песна на рускиот поет Леонид Мартинов од 1962 година.^[6]
• „Елементот на кругот“ — песна на македонскиот поет Анте Поповски.^[7]
• „Златен круг на времето“ — поетска збирка на македонскиот поет Ацо Шопов од 1969 година.^[8]

• „Кругот не е тркалезен“ (англиски: The circle is not round) — песна на македонската група Анастасија.^[9]
• „Широчината на кругот“ (англиски: The Width Of A Circle) — песна на британскиот рок-музичар Дејвид Боуви (David Bowie) од 1970 година.^[10]
• „Пет кругови“ (англиски: Five Circles) — композиција на композиторот и инструменталистот Вангелис од 1981 година.^[11]
• „Кругови“ (англиски: Circles) — песна на американската хард-кор група Даг нести (Dag Nasty) од 1986 година.^[12]
• „Круг“ — песна на југословенската рок-група Екатарина Велика.^[13]
• „Анти-круг“ (англиски: The Anti-Circle) — песна на американската хип-хоп Рутс (The Roots) од 1993 година.^[14]