Линија на поделба помеѓу метали и неметали

Разделна црта (линија) помеѓу металите и неметалите — црта што ја означува границата помеѓу елементите со метално и неметално однесување. Истата може да се најде, во различни конфигурации, на некои прикази на периодниот систем на елементите (види мини-пример, десно). Елементите во долниот лев агол на линијата главно покажуваат зголемено метално однесување, додека елементите на горниот десен дел имаат зголемено неметално однесување. При приказ како скалило, елементите со највисока критична температура за нивните групи (Li, Be, Al, Ge, Sb, Po) лежат веднаш под цртата.

За местоположбата и корисноста на оваа црта има доста расправи. Таа ги разделува (пресекува) металоидите, елементи кои споделуваат својства помеѓу металите и неметалите, на произволен начин, бидејќи преминот помеѓу металните и неметалните својства меѓу овие елементи е постепен.

Оваа црта е наречена амфотерна црта,^[1] метално-неметална црта, металоидна црта, полуметална црта, или скалила.^{[1][n 1]} Иако е наречена и Цинтлова граница или Цинтлова линија овие изрази се однесуваат на вертикална црта што понекогаш се црта помеѓу групите 13 и 14. Оваа точно определена црта била именувана од Лавес во 1941 година. Таа ги раздвојува елементите од групата 13 од оние во и десно од групата 14. Првите вообичаено се комбинираат со електропозитивни метали за да направат меѓуметални соединенија додека вторите обично образуваат соединенија слични на сол.

Референци за границата помеѓу металите и неметалите се појавуваат во литературата уште од 1869 година. Во 1891 година, Вокер објавил периодична „табела“ со дијагонална права линија повлечена помеѓу металите и неметалите. Во 1906 година, Александар Смит објавил периоден систем со цик-цак линија што ги одделува неметалите од останатите елементи, во неговиот многу влијателен учебник „Вовед во општа неорганска хемија“. Во 1923 година, Хорас Г. Деминг, американски хемичар, објавил кратки (во стилот на Менделеев ) и средни (18-колонски) периодични табели. Секој од нив имал правилна скалеста линија што ги одделувала металите од неметалите. „Мерк енд Компани“ подготвиле материјал за споделување на табелата со 18 колони на Деминг во 1928 година, која била широко присутна во американските училишта. До 1930-тите, Деминговата табела се појавувала во прирачници и енциклопедии за хемија. Исто така, со години ја дистрибуирала и компанијата „Научен центар Сарџент-Велч научен“.

Линијата што ги дели металите и неметалите понекогаш се заменува со две разделни линии. Едната линија ги одделува металите и металоидите, другата металоидите и неметалите.

Менделеев напишал дека „Сепак, невозможно е да се повлече строга линија на разграничување помеѓу металите и неметалите, бидејќи постојат многу меѓусупстанции“. Неколку други извори забележуваат конфузија или двосмисленост во врска со положбата на линијата на поделба, сугерираат дека нејзината очигледна произволност дава основа за побивање на нејзината полноважност, и расправаат за нејзината заведувачка, спорна или приближна природа. Самиот Деминг забележал дека линијата не може да се повлече многу прецизно.

1. ↑ Сакс^[2] ја опишал линијата на поделба како „Назабена линија, како Адријановиот ѕид... [што ги одделува] металите од останатите, со неколку „полуметали“, металоиди - арсен, селен - кои се протегаат по ѕидот“.'

• Summary of an ACS presentation on the "myth" of the dividing line Архивирано на 5 јуни 2017 г.