Методи Чепреганов

Методи Чепреганов
Роден	1936 Штип, Македонија
Починал	9 јули 2022 Скопје
Националност	Македонец
Занимање	Невропсихијатар, епилептолог

Методи Чепреганов (Штип, 1936 - Скопје, 9 јули 2022) — македонски лекар, специјалист во областа на невропсихијатрија и епилептологија.

• 1962 год. Медицински факултет – Скопје;
• 1968 год. Специјализација по невропсихијатрија на Медицински факултет – Скопје;
• 1972-1973 год. Постдипломски субспецијалистички студии во Белгија во Клиниката за Електроенцефалографија;
• 1974-1975 год. Специјалистички студии по Клиничка електроенцефалографија во лабораторија и епилептологија LENA во Париз, Франција;
• 1978 год. Стручно доусовршување за компјутерска томографија во Белгија и Англија;
• 1994-1996 год. Субспецијализација по анатамна морфологија (компјутерска томографија и магнетна резонанца);

Од 1969 г. работел на Клиниката за нервни и душевни болести при Медицински факултет во Скопје. Повеќе од 25 години учествувал во наставата како професор, одржувајќи предавања од областа на: Неврологијата и психијатрија со медицинска психологија на студентите на Медицинскиот факултет – Скопје;

Од 2006 г. работел во Болницата Невромедика во Скопје

Учествувал на бројни европски и светски конгреси, а објавил и над 260 научни трудови и 130 монографии од областа на Неврологијата и епилептологијата меѓу кои позначајни се:

• Imagerie des épilepsies, Paris 1996;
• Neuro-imagerie diagnostique-Epilepsies Paris, 2006;
• Neuro-imagerie diagnostique-Еpilepsies Paris, 2007;
• Neuro-imagerie diagnostique-Epilepsies Paris, 2012.

Методи Чепреганов како невропсихијатар-епилептолог беше во самиот врв на македонската медицинска наука. Членувал во Европска асоцијација за клиничка неврофизиологија и епилептологија за земјите од Француско говорно подрачје и во Невролошка асоцијација на Франција. Награден е со орденот „Palmes Academiques“ од страна на претседателот на француската влада, во име на Министерството за наука.^[1]

• 2022 - Награда „11 Октомври“ за животно дело од областа на науката (постхумно).^[2]

• Интервју за „Во центар“ на Јутјуб