Миле Качаниклиев

Миле Качниклиев
Роден	1925 година Чучер, Скопско
Починал	16 април 1945 година Врпоље, Хрватска

Миле Кралев Качниклиев ( 1925 во Чучер, Скопско ― 16 април 1945 во Врпоље, Хрватска) ― македонски партизан и учесник во НОВ.^[1][2]

Роден е во сиромашно селско семејство. Завршил основно училиште во селото. Се занимавал со земјоделство и сточарство.

Материјално ги помагал партизаните од порано.^[1] Со доаѓањето на 16 македонска ударна бригада во неговото село, меѓу првите стапил во нејзините редови. Бил учесник во бројни акции на Бригадата против Германците кај Качаник.^[2] По завршувањето на борбите во Македонија заминал на Косово, каде учествувал во ликвидирањето на одметнатите балистички банди. Потем заминал за Војводина, каде завршил воена и политичка настава и станал политички комесар на чета.^[1]

Со четата учествувал при пробивот на Сремскиот фронт и во натамошното гонење на разбиениот непријател. Неговата чета посебно се истакнала во извршувањето на борбените задачи. Учествувал и во големата битка за Врпоље, каде на 16 април 1945 година, тој загинал. Бил закопан на местото каде што загинал.^[1][2]

• Неделко Качаниклиев — македонски партизан, учесник во НОВ^[2]
• Мирче Качаниклиев — македонски партизан, учесник во НОВ^[2]

1. ↑ ^{1,0 1,1 1,2 1,3} Беа, загинаа, останаа. Скопје: Историски Архив. 1969. стр. 74. На |first= му недостасува |last= (help)
2. ↑ ^{2,0 2,1 2,2 2,3 2,4} Стојановски - Цоњче, Бојко (1999). Скопско црногорие: од Бразда до Брњарци - III Книга. Скопје: "Гоце Делчев". стр. 94–95. ISBN 9989-35-022-1.