Патеката Монте Карло — улична патека која се наоѓа на градските улици во Монте Карло и Ла Кондамин околу пристаништето на Кнежевство Монако. Најчесто се нарекува „Монте Карло“, но понекогаш е позната и како „Монако“.
Првата трка се одржала во 1929 година, кога трката ја освоил Вилијам Гровер-Вилијамс со Бугати. Во календарот на Светското првенство во Формула 1, Монако е од првата сезона од 1950 година, а во периодот 1951-1954 не се одржувале натпреварувања. Победникот на првиот натпревар во 1950-тите била аргентинската легенда Хуан Мануел Фанџо со Алфа Ромео. Од 1955 година, натпреварот се одржува секоја година.
Конфигурацијата на била променета 9 пати во текот на годините без да ги наруши нејзините главни одлики. Во последната конфигурација користена од 2003 година, најбрзиот круг бил со време од 1:14.439, постигнат во 2004 година од Михаел Шумахер со Ферари.
Особености
Големата награда на Монако на патеката Монте Карло се одржува еднаш годишно во мај, на улиците на кнежевството, и е најпопуларна патека во светот. Најпознатите делови на патеката се свиоците на Фиба и Тунел.
Конкуренцијата е исклучително напната поради близината на бетонските плочи околу патеката. На крајот од трката некои пилоти губат околу 5% од нивната тежина.
