Народна демократска партија

Народна демократска партија (НДМ) (албански: Partia Demokratike Popullore (PDP)) — поранешна македонска политичка партија на етничките Албанци со седиште во Тетово.

Основачкото собрание на партијата се случило во јули 1990, а партијата била регистрирана на 1 август истата година. За претседател на партијата бил избран Илијаз Халими, а за генерален секретар бил назначен Ибрахим Бедредин. Партијата за првпат учествувала на парламентарните избори во 1990 година, додека Македонија сè уште била дел од Југославија. Самостојно, партијата освоила 0,4% од вкупниот број на гласови во првиот, односно 0,5% од вкупниот број на гласови во вториот круг, освојувајќи едно пратеничко место во Собранието.^[1] Во некои подрачја партијата настапила во коалиција со ПДП, освојувајќи пет пратенички места.

На парламентарните избори во 1994 година партијата го зголемила бројот на гласови на 3% од вкупниот број на гласови, освојувајќи четири пратенички места.^[1] Во 1997 НДП се споила со Партијата за демократски просперитет, со тоа формирајќи ја ДПА^[2]