Нојхарлингерзил

**Нојхарлингерзил**
	Нојхарлингерзил
	Пристаништето во местотоПристаништето во местото
	Нојхарлингерзил
	Управа
Земја	Германија
Покраина	Долна Саксонија
Округ	Витмунд
Општ. заед.	Езенс
Месни единици	4
Градоначалник	Јирген Петерс
	Основни податоци
Површина	24,55 км2
Надм. височина	1 м
Население	1.093 (31 декември 2022)
- Густина	45 жит/км2
	Други информации
Часовен појас	CET/CEST (UTC+1/+2)
Рег. табл.	WTM
Пошт. бр.	26427
Повик. бр.	04974
Портал	www.neuharlingersiel.de
Местоположба на Нојхарлингерзил во рамките на округот Витмунд
	Карта
Координати	53°42′0″N 7°42′0″E / 53.70000°N 7.70000°E

Нојхарлингерзил (германски: Neuharlingersiel; долногермански: Neeharlingersiel) — општина во округот Витмунд, во сојузната покраина Долна Саксонија, Германија.

Местото Нојхарлингерзил претставува морска бања од 1979 година, а од 1996 година е прогласено за покраинско здравствено одморалиште. Местата Алтхарлингерзил и Остбензе претставуваат крајбрежни бањски места од 1985 година.^[2] Пристаништето во Нојхарлингерзил е пристаниште за источнофризискиот остров Шпикерог.

Географија

Местоположба

Општината се наоѓа во областа Харлингерланд во Источна Фризија на брегот на Северното Море. Долж крајбрежјето се протега националниот парк Долносаксонско Ваденско Море, кој од 2009 година претставува светско културно наследство.

Соседни општини

Општината Нојхарлингерзил на исток се граничи со Каролинензил, дел од градот Витмунд, на југоисток со општината Вердум, на југ со општината Штедесдорф и на југозапад со градот Езенс. На север се наоѓаат источнофризиските острови Лангеог и Шпикерог.