Езенс

**Езенс**
	Езенс Esens ;
	Градскиот плоштадГрадскиот плоштад
	Езенс
	Управа
Земја	Германија
Покраина	Долна Саксонија
Округ	Витмунд
Општ. заед.	Езенс
Градоначалник	Карин Емкен (СДП)
	Основни податоци
Површина	26,83 км2
Надм. височина	3 м
Население	7.427 (31 декември 2022)
- Густина	277 жит/км2
	Други информации
Часовен појас	CET/CEST (UTC+1/+2)
Рег. табл.	WTM
Пошт. бр.	26427
Повик. бр.	04971
Портал	www.esens.de
Местоположба на градот Езенс во рамките на округот Витмунд
	Карта
Координати	53°38′49″N 7°36′46″E / 53.64694°N 7.61278°E

Езенс (германски: Esens) — мал град во округот Витмунд, во сојузната покраина Долна Саксонија, Германија.

Историски градот како најважно средишно место припаѓал на областа Харлингерланд, која припаднала на Грофовијата Источна Фризија од 1600 година. Од 1885 година, Езенс е дел на округот Витмунд, кој бил создаден од Амт Витмунд и Амт Езенс, како и самиот град Езенс.

Местото Бензерзил е покраинско здравствено одморалиште и поседува пристаниште. Со ферибот од Бензерзил може да се стигне до островот Лангеог.

Градот претставува административно седиште на истоимената општинска заедница.

Географија

Местоположба

Градот Езенс се наоѓа на северниот раб од олденбуршко-источнофризискиот гест, оддалечен околу четири километри од долносаксонското Ваденско Море. Околината се состои од мали села, како и имоти.^[2] Окружниот град Витмунд е оддалечен околу 16 километри, додека градот Аурих околу 26 километри.

Водотеци

Единствен значаен водотек во градското подрачје е Бензер Тиф, што е истек, а не вистински водотек.

Соседни општини

Градот Езенс на североисток се граничи со општината Нојхарлингерзил, на југоисток со општината Штедесдорф, на југозапад со општината Морвег и на запад со општината Холтгаст.

Политика

Градски совет

Градскиот совет се состои од 20 избрани членови, што одговара за градови со број на жители помеѓу 7.001 и 8.000 жители.^[3] Членовите се избираат на општи избори на секои пет години.

На последните општински избори на 11 септември 2016 година биле добиени следниве резултати:^[4]

Партија	Удел на гласови	Број на места	Разлика (гласови)	Разлика (места)
SPD	44,42 %	9	−0,11 %	+1
CDU	21,10 %	5	+2,24 %	+1
EBI	11,43 %	2	−6,77 %	−1
Grüne	7,02 %	2	−4,78 %	0
Сојуз Иднина Езенс	5,67 %	1	+5,67 %	+1
AfD	4,64 %	1	+4,64 %	+1
BfB	3,83 %	1	+2,76 %	0
FDP	1,85 %	0	−1,97 %	−1