ОУ „Беса“ - Мала Речица

Беса „Чесен збор“[1]
Поглед на училиштето
Место
Општина:	Општина Тетово
Наречено по:	Беса („Чесен збор“)
Нас. место:	Мала Речица
Адреса:	с. Мала Речица
Местоположба
Основни информации
Основано:	2023; пред 2 години (2023)
Настава на:	албански
Контактни информации

Основно училиште „Беса“ (официјално: Основно општинско училиште „Беса“ - Мала Речица; скратено: ООУ „Беса“) — централно основно училиште во тетовското село Мала Речица, Општина Тетово.

Името на училиштето доаѓа од албанскиот збор „беса“ што означува Чесен збор или ветување.

Училиштето се наоѓа во селото Мала Речица.

По долги години најави од страна на општинските власти,^[2] училиштето во Мала Речица започнало да се гради во 2020 година, кога било планирано да го носи името „Наим Фрашери“ и со тоа да биде подрачно училиште на основното училиште „Наим Фрашери“ од Тетово.^[3]

Во 2021 година, училиштето започнало со работа за учениците од прво одделение како подрачно училиште на ОУ „Наим Фрашери“ од градот Тетово.^[4]

Со одлука на Советот на Општина Тетово во 2023 година било одлучено училиштето да стекне статус на централно училиште со преместување на централното училиште „Беса“ од селото Вешала во Мала Речица. Кон училиштето како подрачни ќе останат училиштата во Вешала и во Бозовце.^[5]

Во училиштето наставата се изведува на албански наставен јазик.

Во составот на училиштето влегуваат следниве подрачни училишта:

• ПУ „Беса“ - Бозовце, подрачно училиште; и
• ПУ „Беса“ - Вешала, подрачно училиште.

• 
  Влезот
• 
  Поглед на училиштето