ОУ „Вера Которка“ - Клечевце

Вера Которка
Поглед на училиштето
Место
Општина:	Општина Куманово
Наречено по:	Вера Которка
Нас. место:	Клечевце
Адреса:	с. Клечевце
Местоположба
Основни информации
Основано:	1965; пред 60 години (1965)
Директор:	Тоде Михајловски
Број на ученици:	62
Настава на:	македонски
Контактни информации
Е-пошта	vera.kotorka@gmail.com
Телефон	031/476-300
Факс	031/476-300

Основно училиште „Вера Которка“ (официјално: Основно општинско училиште „Вера Которка“ - Клечевце; скратено: ООУ „Вера Которка“) — централно основно училиште во кумановското село Клечевце, Општина Куманово.^[1]

Училиштето е именувано по македонската партизанка Вера Которка.

Објектот на училиштето се наоѓа во самото село Клечевце, сместено во средишниот дел на селото.

Објектот на училиштето е изграден во 1928 година, кога наставата се изведувала од прво до четврто одделение. Училиштето прераснало во осумгодишно во 1958 година, кога биле доградени уште две училници и канцеларии.

Покривот на училиштето бил обновен во 2010 година, додека прозорците биле заменети во 2018 година.

Објектот е во добра состојба. Површината на објектот е 642 метри квадратни, има седум училници и две помошни простории. Се загрева со помош на печки на дрва.^[2]

Во училиштето наставата се изведува на македонски наставен јазик.

• 
  Влезот
• 
  Спортското игралиште
• 
  Бистата на Вера Которка