ОУ „Хајан Селмани“ - Ростуше

Хајан Селмани
Поглед на училиштето
Место
Општина:	Општина Маврово и Ростуше
Наречено по:	Хајан Селмани Ѓорѓија Пулевски
Нас. место:	Ростуше
Адреса:	с. Ростуше
Местоположба
Основни информации
Основано:	1944; пред 81 година (1944)
Директор:	Адем Сулејманоски
Настава на:	македонски
Контактни информации

Основно училиште „Хајан Селмани“ (во минатото: Основно училиште „Ѓорѓија Пулевски“; официјално: Основно општинско училиште „Хајан Селмани“ - Ростуше; скратено: ООУ „Хајан Селмани“) — централно основно училиште во селото Ростуше, Општина Маврово и Ростуше.^[1]

Денес, училиштето е именувано по локалниот претприемач и стопанственик, Хајан Селмани, додека во минатото училиштето го носело името на истакнатиот македонски писател на кратки дела, лексикограф, историчар и воен водач Ѓорѓија Пулевски.

Објектот на училиштето се наоѓа во средишниот дел на селото.

Училиштето во Ростуше е најстара воспитно-образовна организација во регионот. Училиштето започнало со работа во 1944 година во просториите на Бигорскиот манастир. Од 1945 година, наставата се одвива во училишната зграда во центарот на Ростуше која била изградена како административна зграда за тогашната општина.

Во октомври 2019 година, училиштето било преименувано во чест на македонскиот претприемач и стопанственик со потекло од долнореканскиот крај Хајан Селмани.^[2] Во југословенскиот период, училиштето го носело името и на Иво Лола Рибар.

Во составот на училиштето спаѓаат:

• ПУ „Хајан Селмани“ - Требиште;
• ПУ „Хајан Селмани“ - Велебрдо; и
• ПУ „Хајан Селмани“ - Јанче.

• 
  Училишната со дворот
• 
  Влезот на училиштето