Пазар Баши

Пазар Баши (турски: Pazar Başı) — старо скопско маало.

Ова маало се наоѓало во источниот дел на градот и било прилично мало. На север граничело со маалото Уруч Паша, на запад со Кара Капуџи и Исмаил Војвода, на југ со Хаџи Касим, додека пак на исток со маалата Крњево и Дервишан. Од Камениот мост било оддалечено 1130 метри североисточно.

Според опширните османлиски дефтери за населението на Скопската Каза од 1832/33 година, маалото било муслиманско, со 28 муслимански домаќинства. На овој попис биле забележани 54 мажи муслимани, со 4 новороденчиња. Исто така имало и 8 мажи муслимани коишто скоро се доселиле. Се проценува дека маалото во тој период имало 132 жители.^[1]

Денес овој дел од градот забрзано се урбанизира, но сѐ уште има куќи. Тука поминува улицата „Петре Георгиев“, додека на западниот дел се наоѓа џамијата „Ќазим Беут“.

1. ↑ Османлиски документи за историјата на Македонија - пописи од XIX век на муслиманското население - Скопски Санџак, каза Скопје. Скопје: д-р Емил Крстески. 2020.