Палм (Гренадини)

Остров Палм

Palm Island / Prune Island
Островот Палм.
Географија
Место	Карипски Острови
Координати	12°35′09″N 61°23′48″W / 12.585853°N 61.396537°W / 12.585853; -61.396537
Архипелаг	Гренадини
Држава
Свети Винцент и Гренадини
Дополнителни податоци
приватен остров

Островот Палм (англиски: Palm Island) е остров во Карипското Море, дел од архипелагот Гренадини. Островот е еден од островите на карипската држава Свети Винцент и Гренадини. Палм се наоѓа на една милја од островот Јунион и е достапен само со брод. Островот има вкупна површина од 0.55 км². Палм има пет плажи.

Првично островот бил именуван како Прун. Сегашното име потекнува од моментот кога поранешните сопственици на островот, Џон Калдвел и неговата сопруга, засадиле стотици кокосови палми на островот. Така, пустинскиот остров преполн со мочурливи предели и комарци, се претворил во остров прекриен со кокосова шума.

Островот е погодно место за биотата. Во 2015 година на островот биле донесени 125 желки како замена на популацијата на желку која била однесена од уриганот Иван во 2004 година. Иако не е ендемска, растителноста е слична со таа на островот Јунион.

Покрај желките и растителноста, на островот има домашен гуштер, копнени гуштери, копнени краби, морски желки и слично. Дополнително на тоа, островот е засолниште на гулаби, тропски дрозд, бананов тангар, сина и крунеста чапја, колибри и други. Секако, на островот има галеби и фрегати.

Палм е дом на „Палм Ајланд Ресорт и Спа“. Овој комплекс има 40 соби и неколку приватни вили. Има два ресторана, два бара, спа, базен, сала, библиотека, игралишта и современа технологија. Овој ресорт има капацитет од околу 100 гости и вработен персонал од 92 луѓе.

• Свети Винцент и Гренадини
• Гренадини

• Карипски жив свет Архивирано на 2 јули 2019 г.
• Птици од Карибите

• Службено мрежно место Архивирано на 2 септември 2016 г.