Парагрупа

Парагрупа — термин кој се користи во популациската генетика за да се опишат линиите во хаплогрупата кои не се дефинирани со никакви дополнителни уникатни маркери.

Во хаплогрупите на ДНК на човечкиот Y-хромозом, парагрупите обично се претставени со ѕвездичка (*) поставена по главната хаплогрупа.^[1]

Терминот „парагрупа“ е стопеница на термините парафилетска хаплогрупа што укажува дека парагрупите образуваат парафилетски поткладови.^[1] Освен мутациите што ја дефинираат матичната хаплогрупа, парагрупите можеби нема да поседуваат дополнителни уникатни маркери. Алтернативно, парагрупите може да поседуваат уникатни маркери кои не се откриени. Доколку се открие уникатен маркер во парагрупата, на специфичната лоза му се дава единствено име и се поместува од парагрупата за да образува независен потклад.

На пример, парагрупата на човечката Y-ДНК Хаплогрупа DE е DE*. Член на DE* го има маркерот што го дефинира DE, но не и маркерите што ги дефинираат единствените познати непосредни поткладови на DE, хаплогрупите D и E.^[2] Исто така, хаплогрупата E1b1b1g (исто така позната како E-M293) е пример за релативно нов потклад, откриен во претходно назначена парагрупа и со дадено ново име. Сè додека SNP/UEP маркерот M293 не беше откриен во 2008 година, членовите на поткладот не се разликуваа од другите компоненти на парагрупата E1b1b1* (познати и како E3b* и E-M35*).^[3]

Друг пример е член на хаплогрупата Y-ДНК R (дефиниран со маркерот M207) може да припаѓа на под-хаплогрупата R1 (дефиниран со маркерот M173) или R2 (дефиниран со маркерот M124). Поединците со ниту една од овие мутации би биле категоризирани како припадници на хаплогрупата R*.