Плоча (вулканска купа)

Оваа статија е за вулканската купа. За археолошкото наоѓалиште, видете Плоча (Брест)

Плоча
Воздушен поглед на Плоча
Највисока точка
Надм. вис.	658 м [1]
Истакнатост	150-200 м
Координати	41°37′4″N 22°18′39″E / 41.61778°N 22.31083°E / 41.61778; 22.31083
Географија
Плоча Општина Штип, Македонија Плоча на карта

Плоча — вулканска купа во клисурата на Маденска Река, десна притока на Крива Лакавица, на околу 12 километри западно од Радовиш. Купата е во склоп на Дамјанско-бучимската палеовулканска област, која зафаќа површина од 26 км². Се наоѓа на 1 километар јужно од Пилав Тепе и има облик на нек.^[1]

Во близина на овој рид се наоѓа истоименото археолошко наоѓалиште, каде е откриено градиште од средниот век.

Истакнатоста ѝ е околу 150-200 м, а надморската височина изнесува 658 метри^[1] По состав е иста како Пилав Тепе, односно од компактни андезитски лави. Речиси од сите страни околу Плоча се наоѓаат напласти од пирокластичен материјал во облик на бречи и туфови, посебно на југоисточната страна кон селото Дамјан. Двете купи се пресечени со долината — клисурата на Маденска Река, поради што нивната истакнатост и релативна височина во квартерниот период е зголемена. Поради селективната ерозија, на Плоча има речиси вертикални карпести отсеци, кои во поново време се користат за алпинизам. Врвот на Плоча е мошне зарамнет, поради што го добила името.^[1]

• Лакавичка Котлина
• Вулканизам во Македонија