СОУ„Кочо Рацин“ (целосно име: Средно општинско училиште „Кочо Рацин“) — средно училиште во Свети Николе, Општина Свети Николе.^[1] Насоки на училиштето се: гимназиска, земјоделска-ветеринарна, машинска и прехранбена струка.

Историја

СОУ „Кочо Рацин“
	СОУ „Кочо Рацин“;
	Место
Општина:	Свети Николе
Место:	Свети Николе
Адреса:	ул. „Кочо Рацин“ бр.24
	Основни информации
Основано:	1961; пред 64 години
Директор:	Ванче Миленков
Настава на:	македонски
	Контактни информации
Портал	www.kocoracinsvn.edu.mk
е-пошта	krsvn@t-home.mk
тел.	(+ 389) (0) 32 443–955

Училиштето било основано на 25 септември 1961 година, од страна на народниот одбор на Општина Свети Николе. Поранешното име на ова училиште било „Јосип Броз Тито“

Во 1963 година, гимназијата го добила својот сопствен простор. Во 1981 година, со спогодба на гимназијата и стручното земјоделско училиште, биле споени двете училишта, со цел разумно искористување на наставниот кадар, менување на структурата на занимања и окрупнување на училиштето. Спојувањето и преорганизирањето значело и промена на името на училиштето во „Јосип Броз Тито“, име кое било во корелација со духот на времето.

Членови на првиот наставнички колегиум биле: Милков Круме (директор, Македонски јазик и книжевност, Руски јазик), Петров Јеленко (Историја, Латински јазик), Миланов Драган (Математика, Физика), Главинова Зоица (Хемија, Биологија), Григоров Сретен (Географија), Тодоров Гане (Државно уредување на ФНРЈ), Јовановски Русомир (Ликовно воспитание), Бицевски Трпе (Музичко воспитување), Петров Даце (Општо техничко образование), и Крушевски Илија (Физичко воспитување).