Слаткаристика

Слаткаристика Марко Маринковиќ
Животописни податоци
Роден(а)	15 август 1986(1986-08-15) (38 г.) Скопје
Потекло	Македонија
Жанрови	Поп, хип-хоп
Занимања	Пејач продуцент
Инструменти	Вокал
Период на активност	2004–сè уште

Оваа статија можеби бара дополнително внимание за да ги исполни стандардите за квалитет на Википедија. Ве молиме подобрете ја оваа статија ако можете.

Марко Маринковиќ-Слаткар, познат под сценското име Слаткаристика (роден на 15 август 1986 година во Скопје) — македонски рапер, продуцент, поп и хип-хоп пејач. Тој започнал со своите музички творби кога имал 12 години.^[1]

На возраст од 15 години, заедно со неговиот пријател Скит Скитара ја формирал хип-хоп групата Единствена Опција, а во 2004 година заедно го издале албумот „Рап Тврдина“. Заедно со Пука Козметика, Скит, Ел Маријачи, Боро Лаказ, Кацар, Желе, Сиги, Аце НЛ, Че и Димитриј Јеа, во 2008 година го формирал хип-хоп екипажот Токсикологија. Во мај 2009 година потпишал договор со продукција „Јованов Рекордс“ и го издал својот прв соло албум под наслов „Слаткаристика Будало“, кој постигнал значителни успеси со песните „Шопинг“, „ФМ“, „Да полетам“ и „Топ“. Тоа претставувала најава на револуцијата на хип-хоп музиката во Македонија.

Понатака во кариерата имал и свои концерти во Охридско-Античкиот театар, Дом на култура - Штип и Струмица, Спортска сала "Младост" - Битола и Метрополис арена - Скопје. Во мај 2010 година бил издаден ДВД со неговиот голем концерт во Арената Метрополис во Скопје. Во 2011 година ги објавил сингловите „Класика“ и „Екстра, екстра“. Во 2012 го извадил својот втор соло албум „Новиот Албум“ кој достигнал голема популарност со песните „Олабави ме“, „Сара“, „Разговор со совеста“, „Бум Бам“ и други. Во 2015 објавил неколку хитови како „Бумеранг“ и „Дими Џам“. Во 2016 излегла една од неговите најслушани песни „Тик Так“ во колаборација со Криско која има над 12.000.000 прегледи. Истата година излегла и песната „Кажи Да“ која исто така постана хит. Во 2017 излегла песната која била слушана низ цела Македонија и Балканот и која има над 18.000.000 прегледи - „Терориста“. Веднаш по неа ја извадил песната „Мани“. Во 2018 објавил неколку песни, меѓу кои се „Луда Романтика“ во месец март, „Отворено Писмо“ во септември и „Амстердам“ која што излегла во ноември. Во 2019 година направил низа проекти во соработка со "Урбан Рекордс" како што се песните „Дијаманти“ со Два Бона и „Марадона“ со Таско. Исто така тој е автор и на првиот македонско-грчки музички проект наречен „Марија“.

Во 2014, тој се оженил со Сања Николиќ, а во 2020 го добиле синот Моша.

• Официјално мрежно место

„Слаткаристика“ на Ризницата ?