Стефан Урош II Милутин

Стефан Урош II Милутин
Фреска од црквата на кралот во Студеница околу 1314 година
На престол	1282–1321
Крунисување	1282
Претходник	Стефан Драгутин
Наследник	Стефан од Дечани
Роден(а)	Урош II Милутин Немањиќ
Почивалиште	Света Недела во Софија
Деца	Стефан Урош III Дечански, Стефан Константин
Династија	House of Nemanjić
Татко	Стефан Урош I
Мајка	Јелена Анжујска
Вероисповед	Српска православна црква

Стефан Урош II Милутин Немањиќ (роден околу 1253 година - починал во Неродимље 29 октомври 1321 година) бил крал на Србија (1282—1321), и еден од најмоќните српски владетели во средниот век.

Стефан Милутин бил најмладиот син на кралот Стефан Урош I и неговата сопруга, Елена Анжујска. Неочекувано, тој станал крал после абдикацијата на неговиот брат Стефан Драгутин.

Веднаш по стапувањето на престолот ги нападнал византиските земји во Македонија. Во 1282 ги освоил северните делови на Македонија, вклучувајќи го и градот Скопје, кој станал негова столица. Византискиот император Михаил VIII Палеолог ги започнал подготовките за војна, но умрел пред нивното завршување. Следната година Милутин напредувал со својот брат длабоко во византиската територија сè до Кавала.

Го зазел Драч од Византијците во 1296.^[1] Во Битката кај Галиполе (1312) испратил воена помош на императорот Андроник во одбрана на неговите земји против Османлиите. По неколкуте несупешни обиди на Византија, таа била принудена да побара помош од Србија. Османлиите започнале со пљачкање на регионот, и двете војски се судриле на полуостровот Галиполе, каде што Османлиите биле поразени. Како благодарност византискиот император го подарил градот Куцово на српскиот крал.

По смртта на Стефан Драгутин во 1316, Милутин ги освоил неговите земји, вклучително и Белград. Тоа било неприфатливо за унгарскиот крал Карло I, кој започнал да бара сојузници против Србија, вклучително и меѓу албанските благородници, кои добивале поддршка од папата Јован XXII. Милутин започнал да ги прогонува католиците.^[2][3]

Од својата прва жена, Јелена, српска благородничка, имал две деца, кралот Стефан Урош III^[4] и Ана-Неда, која била омажена за бугарскиот цар Михаил Шишман. Од втората жена, Елена, ќерката на севастократорот Јован I Дука од Тесалија, немал деца. Со третата жена, Елизабета, ќерката на унгарскиот крал Стефан V и Елизабета Куманка, Милутин имал ќерка, Зорица. Од четвртата жена, Ана, ќерката на бугарскиот цар Георги I, Милутин имал син, Стефан Константин. Со петтата жена Симонида, ќерка на византискиот император Андроник II Палеолог, немал деца.

п р у Династија Немањиќ Главни владетели Стефан Немања Стефан Првовенчани Вукан Радослав Владислав Урош I Драгутин (Урош II) Милутин (Урош III) Дечански (Урош IV) Душан Урош V Други владетели Ѓорѓе Стефан Владислав II Стефан Константин Јован Урош Симеон Урош Архиепископи Св. Сава Св. Сава II