Тихоокеански часовен појас

Тихоокеански часовен појас (англиски: Pacific Time Zone, PT) — часовен појас кој опфаќа делови од западна Канада, западни САД и западно Мексико. Местата во овој појас следат стандардно време одземајќи осум часа од координираното универзално време (UTC−8). При летно сметање, часовното отстапување е UTC−7.

Во САД и Канада, појасот се нарекува „тихоокеанско стандардно време“ (Pacific Standard Time, PST) при стандардното сметање (од почетокот на ноември до средината на март) и „тихоокеанско летно време“ (Pacific Daylight Time, PDT) при летно сметање (од средината на март до почетокот на ноември ). Во Мексико појасот се нарекува „северозападен појас“ (шпански: Zona Noroeste) и се применува истото стандардно и летно сметање како во другите две земји.

Најголем град во појасот Лос Анџелес со неговата метрополитенска област.

Тихоокеанскиот часовен појас е два часа понапред од хавајско-алеутскиот, еден час понапред од алјаскиот, еден час зад планинскиот,^{[б 1]} два часа зад централниот и три часа зад источниот часовен појас.

Појасот целосно опфаќа само една територија во Канада:

•  Јукон

Времето во една покраина и една територија е поделено на тихоокеанскиот и планинскиот појас:

•  Британска Колумбија — сите, освен коридорот на Автопатот 95 (вкл. Голден и Крестон) на југоисток и Тамблер Риџ, Форт Сент Џон и Досон Крик на североисток
•  Северозападни Територии — Тангстен

Во Мексико, појасот ги опфаќа следниве места:

•  Долна Калифорнија
•  Колима — островот Кларион

Две сојузни држави на САД целосно влегуваат во поајсот:

•  Калифорнија
•  Округ Колумбија

Три сојузни држави временски се поделени во тихоокеанскиот и планинскиот појас:

•  Ајдахо — Ајдашки Изданок
•  Невада — сите, освен Вест Вендовер и Џекпот, Маунтан Сити, Овајхи и Џарбиџ.
•  Орегон — сите, освен најголемиот дел од округот Малхир

Една сојузна држава временски е поделена на тихоокеанскиот и алјаскиот појас:

•  Алјаска — Хајдер

• Тихоокеански Северозапад
• Тихоокеански Југозапад

• Официјални времиња во Канада (англиски)
• Карта на часовните појаси во САД (англиски)