Трајче Стојанов

Трајче Стојанов (р. 23 март 1977) — македонски филозоф и професор на штипскиот унивезитет^[1].

Животопис

Стојанов е роден во Штип, Македонија на 25 март 1977 година, каде завршил основно и средно образование. Дипломирал во 2001 г. година на Институт за филозофија на Филозофски факултет, при УКИМ, Скопје. Таму магистрирал и докторирал. Специјализирал на Московскиот педагошки државен универзитет (МПГУ) во Москва, Русија, каде работел на докторската дисертација под менторство на проф. Михаил Маслин од Универзитетот „Ломоносов“, Москва, Реализирал постдокторски престој на универзитетот Ст. Олаф во Нордфилд, САД. Избран е за почесен професор (professor honoris causa), на МСПИ-Москва, Русија, како и визитинг професор на European and Globalization Studies, во, Хрватска. Добитник е на Осмоноемвриска награда на град Штип, како и на признание од Медал Достоевски за особен придонес за промоција на руската литература и култура, од страна на Министерството за култура на РФ. Учествувал на конгреси и симпозиуми во САД, Италија, Хрватска, Русија, Црна Гора и други.

Во фокусот на научните истражувања му се следниве философски дисциплини: Историја на философија, Етика, Естетика, Антропологија, Философија на религија, Политичка философија и Политичка теологија.

Библиографија

Трудови

Проблемы русской идентичности в восприятии иностранца^[2]
Filozofski sistem Dostojevskog (pokušaj rekonstrukcije)^[3]
Преглед на развојот на руската религиска филозофија^[4]

Книги

Монографија, во издание на издавачката куќа Аз-Буки од Скопје^[5]: „Достоевски - од подземјето до Богочовекот“, Аз-Буки, Скопје, 2008^[6] Книгата е прв обид кај нас за филозофско толкување на книжевниот опус на Ф.М. Достоевски.^[7]
Учебник по Филозофија за студентите на ФОН Филозофија: Византиска и руска, Универзитет „Гоце Делчев“, Штип, 2013
Збирка поезија: Егзистенцијалии: џебна филозофија во стихови, Универзитетска библиотека „Гоце Делчев“ - Штип, 2016