Уметничкоисториски музеј (Виена)

Уметничкоисториски музеј

Kunsthistorisches Museum
Основан	1872-1891
Место	Виена, Австрија
Посетеност	559.150 (2010)[1]
Мреж. место	khm.at

Уметничкоисториски музеј (германски: Kunsthistorisches Museum) — ликовен музеј во Виена, Австрија, сместен во раскошно здание на улицата Рингштрасе окончено со осумаголен свод.

Отворен е во 1891 г, истовремено со Природонаучниот музеј (Naturhistorisches Museum), од австроунгарскиот цар Франц Јосиф I. Овие два музеја имаат истоветен изглед и се поставени спротивставено, на секој двата краја од плоштадот Марија Тереза. Изградени се во периодот од 1872 до 1891 г, по нацрт на Готфрид Земпер и Карл Фрајхер фон Хазенауер.

Нарачател на музејот е царот, кој сакал соодветно да ја вдоми огромната уметничка збирка на Хабсбурговците и да ја стави на располагање на јавноста. Фасадата е изработена во песочник, а врз зданието стои свод со висина од 60 метри. Внатрешноста е раскошно украсена со мермер, украсна штукатура, позлата и живопис.

Главните збирки на музејот се оние добиени од Хабсбурговците, особено збирките на портрети и оклопи од Фердинанд Тиролски, збирките на сетиот римски цар Рудолф II (иако највеќето од нив се раштркани) и ликовната збирка на надвојводата Леополд Вилхелм.

Попознати дела во музејот се:

• Јан ван Ејк: „Портрет на кардиналот Николо Албергати“ (~ 1431)
• Албрехт Дирер: „Поклонение на Светата Троица“ (1511)
• Јакопо Тинторето: „Сузана и старешините“ (1555–56)
• Џузепе Арчимболдо: „Лето“ (1563)
• Антонело да Месина: Санкасијански олтар (1475–1476)
• Караваџо:
  • „Богородица Венечна“ (1606/07)
  • Крунисување со трње
  • „Давид со главата на Голијат“
• Петер Паул Рубенс:
  • Иделфонсов олтар (1630–32)
  • „Крзно“ (1638)
• Рафаело Санти: „Богородица на ливада“ (1506)
• Рембрант: Автопортрет (1652)
• Јан Вермер: „Алегорија на сликарството“ (1665/66)
• Диего Веласкес: Неколку портрети на шпанското кралско семејство испратени во Виена кај роднините Хабсбурговци.
• Питер Бројгел Постариот:
  • „Борбата на карневалот и постот“ (1559)
  • „Детски игри“ (1560)
  • „Вавилонската кула“ (1563)
  • „Искачување на Голгота“ (1564)
  • „Тмурен ден (фев-мар)“ (1565)
  • „Враќање на стадото (окт-ное)“ (1565)
  • „Ловци во снегот (дек-јан)“ (1565)
  • „Селанецот и градецот на гнезда“ (1568)
  • „Селска свадба“ (1568/69)
  • „Селски танц“ (1568/69)

Музејот ги има и следниве поединечни збирки:

• Египетско-блискоисточна збирка
• Збирка на грчко-римски старини
• Вајарско-декоративна збирка
• Нумизматичка збирка
• Библиотека

• Ефески музеј
• Збирка на стари музички инструменти
• Збирка на оружје и оклопи
• Архив
• Световно-црковна ризница (во Швајцерхоф)

• Музеј на кочии и Одделение за дворски униформи (во дворецот Шенбрун)
• Збирки во замокот Амбрас (во Инсбрук)
• Австриски театарски музеј во палатата Лобковиц

Подружници:

• Етнолошки музеј во Новиот Град;
• „Музеј на липицанерот“ во Шталбург

На 11 мај 2003 г. Еден од најважните предмети во музејот Соларникот (Saliera) sculpture by Бенвенуто Челини, украден на и повратен на 21 јануари 2006 г. ставен во кутија и закопан во шума кај Цветл. Ова е најголемата кражба на уметничко дело во историјата на Австрија.^[2]

• Природонаучен музеј (Виена)
• Музеј на уметност

„Уметничкоисториски музеј (Виена)“ на Ризницата ?

• Уметничкоисториски музеј — Виена Архивирано на 24 февруари 2011 г. (англиски) (англиски)

48°12′13″N 16°21′41″E / 48.2037°N 16.3614°E / 48.2037; 16.3614