Франческо Марија Пјаве

Франческо Марија Пиаве ( италијански: Francesco Maria Piave; 18 мај 1810, Мурано - 5 март 1876, Милано) - италијански либретист и оперски режисер .

Од 1844 до 1860 година, Пјаве бил сценски директор и либретист во оперската куќа Ла Фениче во Венеција (каде што се запознал со Џузепе Верди), а во 1861 година, по препорака на Верди, бил префрлен во познатиот милански театар Ла Скала.^[1] Во 1867 година, доживеал мозочен удар, по што останал парализиран до крајот на неговиот живот.

Во текот на својата кариера, Пјаве пишувал либрета за многу познати композитори во тоа време како: Џовани Пацини (четири либрета), Саверио Меркаданте (барем едно), Федерико Ричи, а и едно за Мајкл Балф. Сепак, најпознат е како либретист на Џузепе Верди, за кого требало да напише 10 либрета, од кои најпознати се либретата за Риголето и Травијата.

Верди многу го ценел Пјаве, и затоа му доверил да напише 9 (заедно со Аролдо 10) либрета за него. Тој е еден од најзаслужните луѓе кои му помогнале на Верди да успее како композитор на опери.

• Ернани (Ernani) - 1844 година, Венеција. Врз основа на истоимената драма од Виктор Иго
• Двајца Фоскари (I due Foscari) - 1844 година, Венеција. Врз основа на истоимената драма од Бајрон
• Магбет (Macbeth) - 1847 година, Фиренца . Врз основа на истоимената драма на Шекспир
• Гусар (Il corsaro) - 1848 година, Трст . Врз основа на истоимената песна на Бајрон
• Стифелио (Stiffelio) - 1850 година, Трст. Врз основа на драмата „Светиот отец, или Евангелие и срце“ од Емил Совестре и Ежен Буржоа.
• Crispino e la comare за Лујџи и Федерико Ричи - 1850 година, Венеција. Единствената опера буфа од Пјаве
• Риголето (Rigoletto) - 1851 година, Венеција. Врз основа на драмата „ Кралот се забавува “ од Виктор Иго
• Травијата (La Traviata) - 1853 година Венеција. Врз основа на претставата „ Дамата со камелии“ од А. Дима - синот
• Симон Боканегра (Simon Boccanegra) - 1857 година, Венеција. Врз основа на истоимената драма на Антонио Гарсија Гутиерез. Подоцна била преработена од Верди и Ариго Боито (1881, Милано )
• Аролдо (Aroldo) - 1857 година, Римини . Преработена верзија за „Стифелио“
• Силата на судбината (La forza del destino) - 1862 година, Санкт Петербург . Врз основа на драмата „Дон Алваро, или силата на судбината“ од Анхел де Сааведра, војводата од Ривас.

• Baldini, Gabriele (1970), (trans. Roger Parker, 1980), The Story of Giuseppe Verdi: Oberto to Un Ballo in Maschera. Cambridge, et al: Cambridge University Press. ISBN 0-521-29712-5
• Black, John (1998), "Piave, Francesco Maria" in Stanley Sadie, (Ed.), The New Grove Dictionary of Opera, Vol. Three, pp. 999. London: Macmillan Publishers, Inc. ISBN 0-333-73432-7 ISBN 1-56159-228-5
• Budden, Julian (1996), Verdi. New York: Schirmer Books (Master Musicians Series). ISBN 0028646169 ISBN 9780028646169
• Kimball, David (2001), in Holden, Amanda (Ed.), The New Penguin Opera Guide, New York: Penguin Putnam, 2001. ISBN 0-140-29312-4
• O'Grady, Deidre (2000), Piave, Boito, Pirandello: From Romantic Realism to Modernism (Studies in Italian Literature). Edwin Mellon Press. ISBN 978-0-7734-7703-2 ISBN 0-7734-7703-9
• Phillips-Matz, Mary Jane (1993), Verdi: A Biography, London & New York: Oxford University Press. ISBN 0-19-313204-4
• Werfel, Franz and Stefan, Paul (1973), Verdi: The Man and His Letters, New York: Vienna House. ISBN 0-8443-0088-8