Хидробиолошки институт - Охрид

Хидробилошки институт
Податоци за органот
Основан	1935
Седиште	Охрид, Македонија
Мрежно место
Службено мрежно место

Хидробиолошкиот институт е образовно-научен институт во Македонија. Седиштето на институтот е во Охрид и истиот е основан во 1935 година. Главна цел на институтот е лимнологијата на езерата и реките во Македонија. Покрај научната дејност, институтот располага и со мрестилиште за пастрмски видови со капацитет од 20 милиони зрна икра, младици или подмладок на ендемските видови пастрмки од Охридското Езеро.

Инситутот, уште од своето основање во 1935 година, имал за цел истражување на природните и вештачките езера во Македонија, како и речните текови во државата. Посебно внимание институтот обрнува на Охридското Езеро.

Институтот е поделен на следните одделенија, односно интересни сфери:^[1]

• физичко-хемиско одделение
• микробиолошко одделение
• фитопланктонско одделение, (алги и примарна продукција),
• зоопланктонско одделение
• макрозообентосно одделение
• макрофитска вегетација,
• ципринидни риби, применето рибарство и аквакултура,
• паразитологија на риби,
• еко-токсикологија, и
• молекуларна биологија.

Покрај мрестилиштето, институтот е опремен со високософистицирана теренска и лабораториска опрема за потребите на истражување и Програмата за мониторинг на Охридското и Преспанското Езеро, како и за изведување лимнолошки истражувања на други природни и вештачки езера.

Покрај тоа, институтот поседува и брод за теренска работа на Охридското Езеро, опремен со кран и чекрк, радар и ехо-сондер со ГПС, профајлер (темепература, пХ, спроводливост, О2), ПАР (фотоактивно зрачење), опрема за семплирање седименти, опрема за семплирање проби на води, планктонски мрежи итн.

Институтот имал објавено повеќе од 800 трудови кои се публицирани и презентирани.

• Службено мрежно место

п р у Состав на Универзитетот „Св. Климент Охридски“ во Битола Факултети Технички факултет Економски факултет Факултет за туризам и угостителство Педагошки факултет Факултет за администрација и менаџмент на информациски системи Факултет за информатички и комуникациски технологии Факултет за биотехнички науки Висока медицинска школа Факултет за безбедност Правен факултет Технолошко-технички факултет Институти Институт за тутун Хидробиолошки завод Институт за старословенска култура Придружни членки НУУБ „Св. Климент Охридски“ Студентски дом „Кочо Рацин“