Централна статистичка служба (Холандија)

За други значења на поимот, погл. Централна статистичка служба.

Централна статистичка служба (холандски: Centraal Bureau voor de Statistiek; CBS) — холандски државен статистички завод, основан во 1899 година, која ги собира статистичките информации во и за Холандија. Спаѓа во рамките на холандската министерство за економски прашања и е сместена во Хаг и Херлен. Од 3 јануари 2004 година претставува независна и самостојна организација, односно квази владина институција.

Централната статистичка служба собира статистички информации, помеѓу другото, за:

бројот на население,
цените на мало и големо
економскиот развој
приходот по глава на жител и домаќинство
стапката на невработеност

Службата изготвува програма за работа која мора да биде одобрена од Централната комисија за статистика. Оваа независна комисија мора да ја чува непристрасноста, независноста, квалитетот, важноста и непрекинатото делување на службата, според Законот за службата од 1996 година.