Црква „Пресвета Богородица“ - Двориште

Местоположба
Пресвета Богородица

Поглед на црквата од нејзината јужна страна
македонска православна црква
Епархија	Струмичка

Координати	41°35′32″N 22°55′03″E / 41.59222°N 22.91750°E / 41.59222; 22.91750
Место	Двориште
Општина	Берово
Држава	Македонија
Општи податоци
Покровител	Богородица Марија
Завршено	почеток на XX век
Архитектонски опис
Архит. тип	трикорабна

Пресвета Богородица — главна селска црква во малешевското село Двориште. Црквата се наоѓа на височинка која ѝ дава доминантна позиција над остатокот од селото.^[1]

Историја

Црквата била изградена во почетокот на XX век од страна на доселеници од Рибница, Пиринска Македонија.^[2]

Архитектура

Градбата на црквата е трикорабна, со петострана апсида однадвор.^[2] Таа во целост е обоена во бела боја и е покриена со ќерамиди. До внатрешноста на црквата води главниот влез од западната страна и спореден влез на јужната страна. На сите страни од црквата има повеќе прозорци. Иконите во црквата се изработени од локални зографи со средства од месното население.^[2]

Камбанаријата има квадратна основа и се издига веднаш пред главниот влез од црквата. Таа се состои од четири дела, при што секој следен дел кон врвот има помала основа. На секоја од страните од вториот до четвртиот дел има по еден прозорец. Камбанаријата е изградена од тули и е покриена со лимен заоблен пирамидален кров. Во дворот на црквата има и трпезарија, која е сместена од левата страна на главниот влез од црквата. Во дворот на црквата има повеќе гробови и гробни споменици.

Еден од гробовите припаѓа на народниот херој Ацо Русковски, по кого е наречено и единственото средно училиште во градот Берово.

Галерија

Поглед на црквата
Влезната врата со камбанаријата
Горниот дел од камбанаријата
Гробни споменици во дворот на црквата
Поглед на гробот на народниот херој Ацо Русковски
Гробен споменик

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
↑ ^2,0 ^2,1 ^2,2 Илиевска-Арсова, Весна (2011). „Пијанец-Малеш, изобилство од сонце и насмевки!“ (PDF). Штип: Центар за развој на Источен плански регион. стр. 44. Посетено на 27 јануари 2017.^{[мртва врска]}