Црква „Св. Ѓорѓи“ - Свети Васил
Свети Ѓорѓи (грчки: Ναός Αγίου Γεωργίου) — црква во селото Свети Васил, Лагадинско, Егејска Македонија. Влегува во состав на Лагадинско-ајватовско-рендинската епархија на Цариградската патријаршија.[1] Црквата е гробишен храм, сместен во источниот дел на селото. Изградена е во XIX век. Сè до изградбата на „Успение на пресв. Богородица“ бил главен селски храм.[1] Храмот е трикорабна базилика со дрвен покрив, типична за своето време. На исток има шестаголна апсида, изѕидана од делкан варовник со по пет слепи лакови во две подрачја едно над друго. Во ѕидаријате се вградени разни сполии — релјефи, керамика, архитектонски елементи. Аголните камења се направени од делкан камен. Во нишата на жртвеникот има фреска, на која е претставен Дејзис. Живопис има и однадвор во нишата над западната врата, како и на северниот ѕид.[1] По изградбата на „Успение на пресв. Богородица“, повеќето преносливи икони се префрлени во неа. Во „Св. Ѓорѓи“ не останале речиси никакви елементи од извориот инвентар, со исклучок на четири четири преносливи икони.[2] Во „Успение на пресв. Богородица“ има 21 пренослива икона и 19 стари книги.[2] Во 1978 г. е заменет покривот на црквата.[2] Во 1983 г. храмот е прогласен за споменик на културата.[2][3]
ПоврзаноНаводи
Надворешни врски
|
||||||||||||||||||||||||||||
Portal di Ensiklopedia Dunia
