Црква „Св. Ана“ - Олевени

Света Ана

Поглед на црквата

македонска православна црква
Епархија Преспанско-пелагониска
Архијерејско намесништво Битолско
Парохија Бистричка
Местоположба

Карта

Координати 40°57′47″N 21°20′58″E / 40.96306°N 21.34944°E / 40.96306; 21.34944
Место Олевени
Општина Битола
Држава Македонија
Општи податоци
Покровител Света Ана
Изградба 1936
Архитектонски опис

Света Ана — селска црква во битолското село Олевени, Македонија.[1]

Местоположба

Црквата се наоѓа западно од денешното село, на повисок терен во планината,[2] до кој се стигнува преку земјен пат, кој започнува од сретселото во денешното село Олевени.

Историја

Црквата заедно со уште три други храма постоеле на местото на некогашното старо село Олевени, а била обновена заедно со останатите во 1936 година.[2]

Архитектура

Во самиот храм има вградено плоча со старогрчки натпис од 13 реда, кој потекнува од IV век пред н.е.[3] Плочата е вградена лево од западниот влез во црквата, а внатре во нејзе во близина на јужниот ѕид се наоѓа и еден ранохристијански мермерен елемент. Според кажувањата на мештаните од Олевени, на местото на оваа црква се наоѓала и една мермерна скулптура, која градителите ја поставиле на постамент од цигли, прилепен до јужниот ѕид во внатрешниот дел на црквата, но набрзо потоа, некој ја украл.[4]

За плочата се верува дека е споменик подигнат во чест на победата на кралот Филип V против ограбувачите Дарданци. Иако во голема мера редовите не се читливи, епиграфичарите успеале да идентификуваат и запишат неколку редови, а доказ дека се работи за споменик во чест на победата над Дарданците се забележува во последните три реда, каде слободено преведено пишува „Царот Филип за победата над Дарданците“.[4]

Галерија

Поврзано

Наводи

  1. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
  2. 2,0 2,1 Трифуноски, Јован (1998). Bitoljsko-Prilepska kotlina : antropogeografska proučavanja. Белград: Српска академија на науките и уметностите. стр. 210. ISBN 8670252678. OCLC 41961345.
  3. Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 38. ISBN 9989-649-28-6.
  4. 4,0 4,1 „СПОМЕНИК СО НАТПИС ВО ЧЕСТ НА МАКЕДОНСКИОТ КРАЛ ФИЛИП V КАЈ СЕЛОТО ОЛЕВЕНИ, БИТОЛСКО“. 2021-12-30. Посетено на 2024-09-29.

Надворешни врски

Prefix: a b c d e f g h i j k l m n o p q r s t u v w x y z 0 1 2 3 4 5 6 7 8 9

Portal di Ensiklopedia Dunia

Kembali kehalaman sebelumnya