Црква „Св. Атанасиј“ - Сармусакли

Свети Атанасиј
Αγίου Αθανασίου
41°3′2.5″N 23°41′17.3″E / 41.050694°N 23.688139°E / 41.050694; 23.688139
Место	Сармусакли, Серско
Земја	Егејска Македонија, Грција
Вероисповед	Цариградска патријаршија
Архитектура
Архит. тип	крстокуполна базилика
Завршена	1909
Управа
Архијерејско намесништво	Серско
Епархија	Серско-нигритска

Свети Атанасиј (грчки: Αγίου Αθανασίου) — црква во селото Сармусакли, Серско, Егејска Македонија. Влегува во состав на Серско-нигритската епархија на Цариградската патријаршија. Има улога на парохиски храм.^[1][2]

Црквата се наоѓа во центарот на селото. Изградена е во 1909 г. на местото на помал стар храм со истото име. Иницијативата за изградбата е покрената во 1908 г. од митрополитот Григориj Серски (подоцна цариградски патријарх). За еден ден собрани се 4000 златни лири. Стариот храм е урнат и на 8 септември 1909 г. митрополитот Григориј го осветил камен-темелникот на новата. Изградбата се одвивала под раководство на италијанскиот архитект Џузепе и грчките инженери Костис и Хаѕимихалис. Градбата претставува крстокуполна базилика во византиски стил. Храмот е осветен на 24 април 1911 г. од митрополитот Агатангел Драмски, бидејќи Апостол Серски тогаш бил во Атина.^[2]

Во парохијата влегуваат и црквите „Св. Варвара“, „Св. Ѓорѓи“, „Св. Петка“, „Св. Никола“ и „Св. Илија“.^[1]

• Серско-нигритска епархија