Црква „Св. Богородица“ - Сенце

Местоположба
Света Богородица

Поглед на црквата
македонска православна црква
Епархија	Тетовско-гостиварска
Архијерејско намесништво	Гостиварско
Парохија	Мавровска

Координати	41°40′57.2″N 20°39′34.3″E / 41.682556°N 20.659528°E / 41.682556; 20.659528
Место	Сенце
Општина	Маврово и Ростуше
Држава	Македонија
Општи податоци
Покровител	Богородица Марија
Архитектонски опис

Света Богородица — главна селска црква во горнореканското село Сенце.^[1] Црквата е сместена во источниот дел од селото, на височина која доминира во однос на остатокот од селото.

Историја

Црквата во 2019 година била ограбена и притоа од нејзе биле одземени неколку икони, сребрен крст и пари.^[2]

Архитектура

Градбата на црквата има четириаголна основа со осумаголна апсида во задниот дел. Објектот е изграден од камен и е покриен со лимен кров. Главната влезна врата се наоѓа на северната страна и над неа има ниша со слика на Богородица со Исус изработена на мермер, додека на западната страна има споредна врата. Апсидата на црквата е украсена со по една ланцетна вдлабнатина на секоја од страните.

Дворот на црквата е ограден со камена ограда, а во него се наоѓаат камбанаријата, помошен објект и гробни споменици. Камбанаријата е со примитивен изглед и се состои од метални столбови кои образуваат квадратна основа со лимен кров.

Галерија

Влезната порта од дворот на црквата
Слика на Богородица со Исус
Споредната влезна врата
Апсидата на црквата
Камбанаријата на црквата
Помошен објект во дворот на црквата

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 54. ISBN 978-608-65143-2-7.
↑ Петковска, Марија. „Ограбена црквата во гостиварско Сенце“. 1-ва Скопска - МТМ Телевизија. Посетено на 2020-05-20.