Штајнхудско Езеро

Штајнхудско Езеро Steinhuder Meer
Островот Вилхелмштајн во езерото
Подрачје	30 км северозападно од Хановер, Долна Саксонија
Координати	52°28′N 9°20′E / 52.467°N 9.333°E / 52.467; 9.333
Главни приливи	подземни води, врнежи
Главни истеци	Штајнхудер Мербах (кон Везер)
Сливни земји	Германија
Најг. должина	8 км
Најг. ширина	4,5 км
Површина	&1000000000000002912000029,12 км2
Прос. длабочина	1,35 м
Најг. длабочина	3 м
Зафатнина	0,088 км3
Надм. височина	38 м
Острови	2 (Вилхелмштајн и Бадеинзел)
Населени места	Штајнхуде, Хагенбург, Мардорф
Рамсарско подрачје
Прогласено:	26 февруари 1976
Број	87[1]

Штајнхудско Езеро (познато и како Штајнхудер Мер; германски: Steinhuder Meer) — езеро во сојузната покраина Долна Саксонија, Германија, сместено околу 30 километри северозападно од градот Хановер. Именувано е по блиското село Штајнхуде. Со неговата површина од 30 км² претставува најголемо езеро во северозападниот дел на Германија. Сепак, истото е многу плитко, со просечна длабочина од само 1,35 метри и максимална длабочина од 3 метри.

Езерото се создало по топењето на ледниците од последното ледено време. Постојат две теории кои наведуваат како точно се создало самото езеро.

Едната вели дека ледниците направиле дупка, која се исполнила со стопената вода. Другата теорија наведува дека ледена бура создала дупка и се појавиле подземни води, поради што се создало езерото.^[2] На средината постои мал вештачки остров на кој има тврдина од XVIII век, Вилхелмштајн (Wilhelmstein). Денес, езерото е дел од природен парк и се користи за рекреација.

Езерото има два вештачки острови:

• Вилхелмштајн (12.500 м²) бил изграден помѓу 1761 и 1765 година. Се користел како воена тврдина помеѓу 1765 и 1767 од Вилхелм, гроф на Шаумбург-Липе. Потоа, кратко бил воена академија. Од 1777 до 1867 година, островот се користел како државен затвор на Кнежевството Шаумбург-Липе.
• Бадеинзел Штајнхуде (35.000 м²) бил изграден во 1975 година користејќи песок од самото езеро. Има песочна плажа, која е доста посетена во лето. Пристапот до езерото е преку пешачки мост долг 80 метри од Штајнхуде.

Езерото е омилено одредиште за мештаните, но и за други летувалци. До три брода нудат крстосувања; но се користат и помали бродови, кои возат по посебен распоред. Велосипедска патека (долга околу 35 км) го обиколува езерото, минувајќи низ разни пејзажи.

• Штајнхудско Езеро на Ризницата ^?
• Страница на природниот парк Архивирано на 11 јули 2017 г.
• Никсдорф, Б. (2004), „Steinhuder Meer“, Dokumentation von Zustand und Entwicklung der wichtigsten Seen Deutschlands (германски), Берлин: Сојузна служба за животна средина (Umweltbundesamt), стр. 25 Не се допушта закосување или задебелување во: |publisher= (help)