അമേരിക്കൻ റോബിൻ
വടക്കേ അമേരിക്കൻ വൻ‌കരയിൽ സാധാരണ കണ്ടുവരുന്ന ത്രഷ് കുടുംബത്തിൽപ്പെട്ട പക്ഷിയാണ് അമേരിക്കൻ റോബിൻ. കേരളത്തിൽ കാണപ്പെടുന്ന മാടത്തക്കിളിയോട് രൂപത്തിൽ ഏറെ സാമ്യമുണ്ട്. ഹ്രസ്വദേശാടന പക്ഷികളായ ഇവ അലാസ്ക മുതൽ ന്യൂഫൌണ്ട് ലാൻഡ് വരെ ഉഷ്ണകാലത്തിനൊപ്പം നീങ്ങിക്കൊണ്ടിരിക്കുന്നു. കൃഷിയിടങ്ങളിലും പുൽത്തകിടികളിലും കുറ്റിച്ചെടികൾ നിറഞ്ഞ പട്ടണപ്രദേശങ്ങളിലുമാണ് ഇവയെ കണ്ടുവരുന്നത്. രൂപം 25 മുതൽ 28 സെന്റി മീറ്റർ ഉയരമുണ്ടാകും അമേരിക്കൻ റോബിന്. ഏകദേശം 75 ഗ്രാം തൂക്കവും. തലയും കഴുത്തുഭാഗവും തവിട്ടുനിറത്തിലും കഴുത്തിനുതാഴെ ഓറഞ്ച് കലർന്ന ചുവപ്പ് നിറവുമാണ്. കണ്ണിനുചുറ്റും വെളുത്ത നിറമുണ്ടാകും. മഞ്ഞയാണ് ചുണ്ടിന്റെ നിറം. വാലിനു കീഴ്ഭാഗവും ചിറകുകൾക്കിടയിൽ അങ്ങിങ്ങായും വെള്ള നിറമുണ്ട്. നെഞ്ച് ഭാഗത്ത് ആൺകിളികൾക്ക് പെൺകിളികളുടേതിനേക്കാൾ നിറമുണ്ട്. കുഞ്ഞിക്കിളികളുടെ മാറിടത്തിൽ പുള്ളികളുണ്ടായിരിക്കും. പ്രജനനം പ്രജനനകാലത്ത് ആൺകിളികളുടെ തലയ്ക്കുമുകളിൽ തൊപ്പിപോലെ ഏതാനും തൂവലുകൾ പൊങ്ങിവരും. ഇണയെ ആകർഷിക്കാനുള്ള ഈ തൂവലുകൾ പ്രജനനകാലത്തിനു ശേഷം കൊഴിഞ്ഞുപോവുകയും ചെയ്യും. പെൺകിളിയാണ് കൂടൊരുക്കുന്നത്. കുറ്റിച്ചെടികളിലും മറ്റും കൂടുകൂട്ടി രണ്ടു മുതൽ നാലു മുട്ടവരെ ഇടും. ഇളംനീലയാണ് മുട്ടയുടെ നിറം. പെൺകിളികളാണ് അടയിരിക്കുന്നത്. മുട്ടവിരിയാൻ 11 മുതൽ 14 ദിവസം വരെയെടുക്കും. ആൺകിളികളും പെൺകിളികളും കുഞ്ഞുങ്ങളെ തീറ്റിവളർത്താനും സംരക്ഷിക്കാനും ശ്രദ്ധിക്കും. ഭക്ഷണംപ്രാണികൾ, പുൽച്ചാടികൾ, പുഴുക്കൾ എന്നിവയാണ് പ്രധാന ഭക്ഷണം. പുൽത്തകിടികളിലാണ് പ്രധാനമായും ഇരതേടാറ്‌. കറുത്ത ചെറിപ്പഴവും ഇവയുടെ ഇഷ്ട ഭക്ഷണമാണ്. സ്വരംപ്രത്യേകതകൾ
വരച്ച ചിത്രങ്ങൾ
കൂടിന്റെ ചിത്രങ്ങൾഅവലംബം
പുറത്തേക്കുള്ള കണ്ണികൾ Wikimedia Commons has media related to Turdus migratorius.  വിക്കിസ്പീഷിസിൽ Turdus migratorius എന്നതുമായി ബന്ധപ്പെട്ട കൂടുതൽ വിവരങ്ങൾ ലഭ്യമാണ്. 
|
||||||||||||||||||||||||||||||||||||||||
.jpg)
Portal di Ensiklopedia Dunia
