ထိုင်းလွှတ်တော်ရုံး
သပ္ပါယသဘာဌာနသည် လက်ရှိ ထိုင်းနိုင်ငံ၏ ဥပဒပြုလွှတ်တော် အစည်းအဝေးကျင်းပသည့် အဆောက်အအုံ ဖြစ်သည်။ ဘန်ကောက်မြို့၏ ဒူဆစ်မြို့နယ်တွင် တည်ရှိပြီး ကျောက်ဖရားမြစ်၏ အရှေ့ဘက်ကမ်းတွင် တည်ရှိပါသည်။ ၎င်းသည် အထပ် ၄၂၄,၀၀၀ မီတာ ရှိသော ကမ္ဘာ့အကြီးဆုံးပါလီမန် အဆောက်အအုံဖြစ်သည်။ [၁] လွှတ်တော်အဆောက်အအုံသည် ဆောက်လုပ်နေဆဲဖြစ်သော MRT ခရမ်းရောင်ရထားလိုင်း၏ MRT Parliament House ဘူတာနှင့် ဆက်သွယ်မည် ဖြစ်သည်။ သမိုင်းထိုင်းပါလီမန်ရုံးသည် ၎င်း၏နေရာအား အကြိမ်ကြိမ် ပြောင်းလဲခဲ့သည်။ ၎င်း၏ ပထမဆုံးဆိုက်မှာ အာနန္ဒသမာဂမ ပလ္လင်တော်ခန်းမ (Ananta Samakhom Throne Hall) ဖြစ်ပြီး ၁၉၃၃ ခုနှစ်မှ ၁၉၇၄ ခုနှစ်အထိ အသုံးပြုခဲ့သည်။ ထို့နောက် ထိုင်းပါလီမန်လွှတ်တော်သို့ ပြောင်းရွှေ့ခဲ့သော်လည်း မကြာမီတွင် အဆောက်အအုံသည် လူမဆံ့ခဲ့ပေ။ ၂၀၀၈ ခုနှစ်တွင် အဆောက်အဦအသစ်အတွက် နေရာသုံးခုကို ထည့်သွင်းစဉ်းစားခဲ့သည်။ ၎င်းတို့မှာ ဒူဆစ်မြို့နယ်၊ မိုင်းနွန်ထာဘူရီမြို့နယ်နှင့် ခလောင်သွယ်မြို့နယ်တို့၌ ရှာဖွေ ဖြစ်ခဲ့ကြသည်။ ထိုင်းဝန်ကြီးချုပ် Samak Sudaravej လက်ထက်မှာ လက်ရှိနေရာကို ရွေးချယ်ခဲ့ပြီး ထိုနေရာတွင် နေထိုင်ကြသော အိမ်ခြေများနှင့် ကျောင်းတစ်ကျောင်းကို ရွေ့ပြောင်းစေခဲ့သည်။ နာမည်အဆောက်အဦး၏အမည်ကို အနည်းငယ်ကွဲပြားစွာ အဓိပ္ပာယ်ဖွင့်ဆိုချက်ရှိပါသည်။ အနိုင်ရသော ဒီဇိုင်းဘွဲ့မှာ Sappaya Sapha Sathan ဖြစ်သည်။ တင်ပြသူ ဗိသုကာပညာရှင်များက သမ္ပဘာဟူသော ဝေါဟာရသည် " တရားဓမ္မ ၌ နေရသော" ဟူသော အဓိပ္ပါယ်ရှိပြီး ခေါင်းစဉ်မှာ "ကောင်းမှုကုသိုလ်ပြုရာနေရာ" ဟု အဓိပ္ပါယ်ရပေသည်။ [၂] အဆောက်အဦ၏ ဒီဇိုင်းကို ထိုင်းဂန္ထဝင် ဗုဒ္ဓဘာသာပုံပြင် Trai Bhum Phra Ruang မှ မှုတ်သွင်းထားပြီး အရာရှိများအား " Thainess " နှင့် အကျင့်စာရိတ္တဆိုင်ရာ သတိပေးချက်အဖြစ် " Sappaya Sapasathan " ငြိမ်းချမ်းသောပါလီမန် " အဖြစ် ဖန်တီးထားသည်။ [၃] သပ္ပါယ သဘာဌာန ဟူသော ဝေါဟာရ သည် ပါဠိစကားလုံး ပေါင်းစပ်ထားသော စကားလုံးဖြစ်ပြီး “အဆင်ပြေသော” “အထောက်အပံ” နှင့် “မှန်ကန်သော” ဟု အဓိပ္ပာယ်ရသည်။ [၄] နှင့် သဘာဌာနဟူသော စကားလုံးသည် "ငြိမ်းချမ်းသောကောင်စီ" ဟု အဓိပ္ပာယ်ရသည်။
ရောမ - Sappaya Sapasathan မြန်မာမူ - သပ္ပါယ သဘာဌာန ပါဠိမူရင်း - sappāya sabhā ṭhāna ဒီဇိုင်း.jpg) ရန်ဟီဆေးရုံမှ လှမ်းမြင်ရသော ထိုင်းလွှတ်တော်ရုံ (၂၀၂၃)
အဆောက်အအုံကို Theerapol Niyom ဦးဆောင်သောအဖွဲ့မှ ဒီဇိုင်းဆွဲပြီး အဆောက်အအုံ၏ ဒီဇိုင်းပြိုင်ပွဲတွင် အနိုင်ရရှိသူဖြစ်သည်။ [၂] ဘတ်ငွေ ၂၃ ဘီလီယံခန့်ဖြင့် တည်ဆောက်ထားပြီး လူပေါင်း ၅,၀၀၀ ကျော် ဆံ့ပြီး ကားအစီး ၂,၀၀၀ ရပ်နားနိုင်သည်။ ၎င်း၏အဓိကအင်္ဂါရပ်များမှာ အဆောက်အအုံ၏ အလယ်ဗဟိုရှိ စေတီတစ်ဆူ၊ ထိုင်းအောက်လွှတ်တော်ကိုယ်စားလှယ်အတွက် သူရီယအစည်းအဝေးခန်းမ (Suriyan Hall) ထိုင်းအထက်လွှတ်တော် အတွက် စန္ဒာအစည်းအဝေးခန်းမ (Chantha Hall)နှင့် "ထိုင်းနိုင်ငံ DNA " ကို ကိုယ်စားပြုသည့် ကျွန်းသစ်ပင်ပေါင်း 5,018 ပင်တို့ကို စိုက်ပျိုးထားသည်။ [၅] ပြတိုက်များ၊ ကွန်ဗင်းရှင်းစင်တာ၊ ဆွေးနွေးပွဲအခန်း၊ ပွဲခန်းမနှင့် ရုံးခန်းများပါရှိသည် ။ အဆောက်အအုံဒီဇိုင်းသည် "ဘာသာရေးဗိသုကာပညာ" ဆန်လွန်ခြင်း၊ "ဗုဒ္ဓဘာသာနှင့် ဟိန္ဒူစကြဝဠာဗေဒ၏ ဒြပ်စင်များ" ကူးယူသည်ဟု ဝေဖန်ခံရသည်။ [၆] ဆောက်လုပ်ရေး ၂၀၁၃ ခုနှစ်တွင် ဆောက်လုပ်ရေး စာချုပ်ချုပ်ဆိုခဲ့ပြီး ၂၀၁၅ ခုနှစ်တွင် ဖွင့်လှစ်ရန် စီစဉ်ထားသည်။ ယခင်ပါလီမန်အဆောက်အအုံ၏နေရာကို ၂၀၁၈ နှစ်ကုန်တွင် မူလပိုင်ရှင်ဖြစ်သော တော်ဝင်အိမ်တော်ဗျူရိုသို့ ပြန်လည်ပေးအပ်ခဲ့သည်။ [၇] အဆောက်အအုံသစ် ဆောက်လုပ်မှုမှာ လေးနှစ် နှောင့်နှေးခဲ့သည်။ စီမံကိန်းဘတ်ဂျက်သည် ဘတ်ငွေ ၁၄ ဘီလီယံမှ ဘတ် ၂၃ ဘီလီယံအထိ မြင့်တက်လာခဲ့သည်။ [၆] ပြီးမြောက်ရန် သတ်မှတ်ရက်စွဲကို လွဲချော်သည့်အတွက် ရေးဆွဲသူအား ပါလီမန်က ပြစ်ဒဏ်ချမှတ်ခြင်း မရှိပေ။ ပါလီမန် အဆောက်အအုံဟောင်း တည်ရှိရာမြေကို Crown Property Bureau ထံသို့ ပြန်လည်ပေးအပ်ပြီး ဖြစ်သောကြောင့် အစည်းအဝေးကျင်းပနိုင်ရန် တယ်လီကွန်းကုမ္ပဏီ TOT ထံမှ အစည်းအဝေးခန်းမကို ၂၀၁၉ ခုနှစ် မေလမှ စတင်ကာ တစ်လလျှင် ဘတ်ငွေ ၁၁ သန်းဖြင့် ငှားရမ်းခဲ့သည် [၈] ၂၀၁၉ ခုနှစ် ဩဂုတ်လမှစတင်၍ ပါလီမန်သည် ယခုအဆောက်အုံ၌ အစည်းအဝေးကျင်းပနေသော်လည်း အဆောက်အဦ၏ အစိတ်အပိုင်းများ မပြီးသေးပါ။ [၉] သိသာထင်ရှားသောနှောင့်နှေးမှုများကြောင့် အဆောက်အအုံကို ၂၀၂၁ ခုနှစ် မေလ ၁ ရက်နေ့တွင် တရားဝင်ဖွင့်လှစ်ခဲ့သည်။ [၁] ဓာတ်ပုံများ
ဖတ်ရှုရန်
ကိုးကား
|
||||||||||||||||||||||||||||||||||||||||
.jpg)
.jpg){kind=small}
Portal di Ensiklopedia Dunia
