ဗီဇလေး ဘုရားရှိခိုးကျောင်း
ဗီဇလေး ဘုရားရှိခိုးကျောင်း သည် ပြင်သစ်နိုင်ငံ ဘာဂန်ဒီမြောက်ပိုင်း ယွန်း ဒေသ ဗီဇလေးတွင် တည်ရှိသော ဘန်နယ်ဒစ်တင်း အသင်း ကလူးနီးရက် ဂိုဏ်း ခရစ်ယာန်ဘုန်းကြီးကျောင်း တစ်ခု ဖြစ်သည်။ ဘန်နယ်ဒစ်တင်း ခရစ်ယာန်ဘုန်းကြီးကျောင်း တစ်ခုဖြစ်သော စိန့်မေရီမက်ဒယ်လိန်း ၏ ဘာဆေလီကာ ဘုရားကျောင်းသည် များပြားရှုပ်ထွေးလှသော ပန်းပုလက်ရာများ နှင့် တံခါးပေါက်များ ရှိသည့် ဘာဂန်ဒီ ရိုမန်နတ် အနုပညာ နှင့် ဗိသုကာပညာ၏ ကြီးကျယ်ခမ်းနားလှသော လက်ရာများကို ပြသနေသည်။ ၁၅၆၉ ခုနှစ်တွင် ပြုပြင်ပြောင်းလဲရေး သမား ဟျူဂန်နော့ တို့၏ ဖျက်စီးမှုကို ခံခဲ့ရပြီးနောက်တွင် ၁၇ ရာစု နှင့် ၁၈ ရာစု အတွင်း ထိုအဆောက်အဦးသည် ဂရုမစိုက် လျစ်လျူရှုထားခြင်း ခံခဲ့ရကာ ပြင်သစ်တော်လှန်ရေး ကာလ အတွင်း၌လည်း ပျက်စီးမှု အချို့ကို ကြုံတွေ့ခဲ့ရသည်။ [၁] ဗီဇလေး ဘုရားရှိခိုးကျောင်းနှင့် တောင်ကုန်းတို့အား ယူနက်စကို၏ ကမ္ဘာ့အမွေအနှစ်နေရာ စာရင်းတွင် ၁၉၇၉ ၌ ထည့်သွင်းခဲ့သည်။ မေရီ မက်ဒယ်လိန်း၏ ရုပ်ကလာပ် အကြွင်းအကျန်များကို ဘုရားကျောင်းတွင်းတွင် တွေ့ရနိုင်သည်။
ကိုးကား
|
||||||||||||||||||||||
Portal di Ensiklopedia Dunia
