သောင်းနိုင်

ဦးသောင်းနိုင်(၁၉၆၄ ဖွား)သည် မြန်မာလူမျိုးတရားသူကြီး တစ်ဦးဖြစ်သည်။သူသည် တပ်မတော် တွဲဖက်စစ်ဥပဒေချုပ် အဖြစ်မှ အငြိမ်းစားယူကာ ပြည်ထောင်စုတရားလွှတ်တော်ချုပ် တရားသူကြီး ဖြစ်လာသူဖြစ်သည်။^[၂]

တရားသူကြီးဦးသောင်းနိုင် သည် ၁၉၈၅ ခုနှစ်တွင် ရန်ကုန် ဝိဇ္ဇာနှင့် သိပ္ပံ တက္ကသိုလ်မှ ဥပဒေဘွဲ့ (LL.B) ကို ရရှိခဲ့သည်။ ၂၀၀၇ ခုနှစ်တွင် Transnational Law and Business University (TLBU) (South Korea) မှ မဟာဥပဒေဘွဲ့ (LL.M) ကို ရရှိခဲ့သည်။^[၃]

သူသည် တပ်မတော်စစ်ဥပဒေချုပ်ရုံး တွင် တွဲဖက်စစ်ဥပဒေချုပ် ရာထူးအထိ (၃၄) နှစ်ကျော် တာဝန်ထမ်းဆောင်ခဲ့သည်။၂၀၂၂ ခုနှစ် မတ်လတွင် တပ်မတော်မှ ဗိုလ်ချုပ်အဆင့်ဖြင့် အငြိမ်းစားယူကာ အရပ်ဘက် တရားရေးဌာနသို့ ကူးပြောင်းလာသည်။

၂၀၁၇ ခုနှစ် ကဖြစ်ပွားခဲ့သော ရခိုင်ပြည်နယ်၊ မောင်တောမြို့နယ် အင်းဒင်ရွာ လူသတ်မှု အပါအဝင် ဘူးသီးတောင်မြို့နယ် ဂူတာပြင်ရွာတွင် အစုလိုက်အပြုံလိုက် မြှုပ်နှံထားသည့် ရုပ်အလောင်းများကိစ္စ နှင့် စပ်လျဉ်းပြီး တပ်မတော်ဘက်က စစ်ခုံရုံးဖွဲ့ပြီး ဆောင်ရွက်ခဲ့မှုတွင် ၎င်းသည် တွဲဖက်စစ်ဥပဒေချုပ်အနေဖြင့် အရေးပါသည့် ကဏ္ဍမှ ပါဝင်ခဲ့သည်။^[၄]ယင်းအပြင် ICJ အပြည်ပြည်ဆိုင်ရာ နိုင်ငံတကာခုံရုံး တွင် မြန်မာ့အရေး ကြားနာစစ်ဆေးမှုကိစ္စရပ် နှင့် စပ်လျဉ်း၍လည်း တပ်မတော်ဘက်မှ လိုက်ပါဆောင်ရွက်ခဲ့သူလည်းဖြစ်သည်။^{[၅] [၆]}

ဦးသောင်းနိုင်ကို နိုင်ငံတော်စီမံအုပ်ချုပ်ရေးကောင်စီ က ၂၀၂၂ ခုနှစ်၊ မတ်လ (၁၄) ရက်နေ့တွင် ပြည်ထောင်စုတရားလွှတ်တော်ချုပ် တရားသူကြီးအဖြစ် ခန့်အပ်ခဲ့သည်။^[၇]

ဗိုလ်ချုပ် အောင်ဆန်း၏ ဇနီးဖြစ်သူ ဒေါ် ခင်ကြည် အမည်ပေါက် ခြံအမှတ် (၅၄) ခြံနှင့်အိမ် အမွေဆိုင်မှုနှင့် ပတ်သက်ပြီး ဦးအောင်ဆန်းဦး၏ အထူးအယူခံတင်ပြတောင်းဆိုချက်အတိုင်း ခွင့်ပြုခဲ့သည့် အထူးအယူခံခုံရုံး တရားသူကြီး(၅) ဦးထဲ ၎င်းလည်း ပါဝင်ခဲ့သည်။ ^[၈][၉]

ဦးသောင်းနိုင်သည် အိမ်ထောင်ရှင် တစ်ဦးဖြစ်သည်။

1. ↑ နိုင်ငံတော်စီမဲအုပ်ချုပ်ရေးကောင်စီ အမိန့်ကြော်ငြာစာအမှတ်(၂/၀၂၂) စွမ်းဆောင်မှုဆိုင်ရာဂုဏ်ထူးဆောင်ဘွဲ့အပ်နှင်းခြင်း။ MOI Myanmar (၄ ဇန်နဝါရီ ၂၀၂၂)။ ၃ စက်တင်ဘာ ၂၀၂၃ တွင် ပြန်စစ်ပြီး။
2. ↑ ရာဇဝတ်အထူးအယူခံမှု တစ်မှုနှင့် တရားမအထူးအယူခံမှု ခုနစ်မှုတို့ကို စီရင်ချက်ချမှတ်၊ တရားမအထူးအယူခံမှု နှစ်မှုရုံးထိုင်ကြားနာ။ MOI Myanmar (၂ ဇူလိုင် ၂၀၂၃)။ ၃ စက်တင်ဘာ ၂၀၂၃ တွင် ပြန်စစ်ပြီး။
3. ↑ ပြည်ထောင်စုတရားလွှတ်တော်ချုပ်၊တရားသူကြီးများ။ ပြည်ထောင်စုတရားလွှတ်တော်ချုပ်ရုံး။ ၃ စက်တင်ဘာ ၂၀၂၃ တွင် ပြန်စစ်ပြီး။
4. ↑ ICJ အမှုမှာ အစိုးရဦးဆောင်မှုနောက် လိုက်နာမည်ဟု တပ်မတော်ပြောဆို။ VOA Burmese (၂၄ နိုဝင်ဘာ ၂၀၁၉)။ ၃ စက်တင်ဘာ ၂၀၂၃ တွင် ပြန်စစ်ပြီး။
5. ↑ အစိုးရ ပေးပို့သည့် ICOE အစီရင်ခံစာ အသေးစိတ် လေ့လာရမည်ဟု တပ်မတော် ပြော။ ဧရာဝတီသတင်း (၂၃ ဇန်နဝါရီ ၂၀၂၀)။ ၃ စက်တင်ဘာ ၂၀၂၃ တွင် ပြန်စစ်ပြီး။
6. ↑ စစ်ခုံရုံးဆောင်ရွက်ချက်တွေကို စောင့်ကြည့်ဖို့ တပ်မတော်ပြော။ RFA Burmese (၂၄ နိုဝင်ဘာ ၂၀၁၉)။ ၃ စက်တင်ဘာ ၂၀၂၃ တွင် ပြန်စစ်ပြီး။
7. ↑ ပြည်ထောင်စုတရားလွှတ်တော်ချုပ် တရားသူကြီးများ ခန့်အပ်တာဝန်ပေး။ MWD Webportal (၁၄ မတ် ၂၀၂၂)။ ၃ စက်တင်ဘာ ၂၀၂၃ တွင် ပြန်စစ်ပြီး။
8. ↑ ခြံအမှတ် ၅၄ အမွေဆိုင်မှု ဦးအောင်ဆန်းဦး တောင်းဆိုချက် တရားလွှတ်တော်ချုပ် ခွင့်ပြု။ ဧရာဝတီသတင်း (၂၂ ဩဂုတ် ၂၀၂၂)။ ၃ စက်တင်ဘာ ၂၀၂၃ တွင် ပြန်စစ်ပြီး။
9. ↑ ခြံအမှတ်(၅၄) အမွေဆိုင်အမှုနှင့်ပတ်သက်၍ ဦးအောင်ဆန်းဦး၏ လျှောက်ထားချက်အတိုင်း ပြည်ထောင်စုတရားလွှတ်တော်ချုပ် အမိန့်ချမှတ်။ NP News (၂၃ ဩဂုတ် ၂၀၂၃)။ ၃ စက်တင်ဘာ ၂၀၂၃ တွင် ပြန်စစ်ပြီး။