ଚକ୍ରବର୍ତ୍ତୀ ରାଜଗୋପାଳାଚାରୀ

ଇଂରାଜୀ ଲିଙ୍କ

https://or.wikipedia.org/wiki/C._Rajagopalachari

ଚକ୍ରବର୍ତ୍ତୀ ରାଜଗୋପାଳାଚାରୀ
ଭାରତର ଗଭର୍ଣ୍ଣର ଜେନେରାଲ
କାର୍ଯ୍ୟକାଳ ୨୧ ଜୁନ ୧୯୪୮ – ୨୬ ଜାନୁଆରୀ ୧୯୫୦
Monarch	George VI
ପ୍ରଧାନ ମନ୍ତ୍ରୀ	ଜବାହରଲାଲ ନେହେରୁ
ପୂର୍ବ ଅଧିକାରୀ	The Earl Mountbatten of Burma
ପର ଅଧିକାରୀ	ପଦବୀ ଉଚ୍ଛେଦ ହୋଇଥିଲା
ମାଡ୍ରାସରର ମୁଖ୍ୟ ମନ୍ତ୍ରୀ
କାର୍ଯ୍ୟକାଳ ୧୦ ଅପ୍ରେଲ ୧୯୫୨ – ୧୩ ଅପ୍ରେଲ ୧୯୫୪
ରାଜ୍ୟପାଳ	ଶ୍ରୀ ପ୍ରକାଶ
ପୂର୍ବ ଅଧିକାରୀ	ପି. ଏସ. କୁମାରସ୍ୱାମୀ ରାଜା
ପର ଅଧିକାରୀ	କେ. କାମରାଜ
ସ୍ୱରାଷ୍ଟ୍ର ମନ୍ତ୍ରୀ
କାର୍ଯ୍ୟକାଳ ୨୬ ଡିସେମ୍ବର ୧୯୫୦ – ୨୫ ଅକ୍ଟୋବର ୧୯୫୧
ପ୍ରଧାନ ମନ୍ତ୍ରୀ	ଜବାହରଲାଲ ନେହେରୁ
ପୂର୍ବ ଅଧିକାରୀ	ବଲ୍ଲଭଭାଇ ପଟେଲ
ପର ଅଧିକାରୀ	କୈଳାଶ ନାଥ କାଟଜୁ
ପଶ୍ଚିମବଙ୍ଗର ରାଜ୍ୟପାଳ
କାର୍ଯ୍ୟକାଳ ୧୫ ଅଗଷ୍ଟ ୧୯୪୭ – ୨୧ ଜୁନ ୧୯୪୮
Premier	ପ୍ରଫୁଲ୍ଲ ଚନ୍ଦ୍ର ଘୋଷ ବିଧାନ ଚନ୍ଦ୍ର ରାୟ
ପୂର୍ବ ଅଧିକାରୀ	ଫ୍ରେଡରିକ ବରୋସ
ପର ଅଧିକାରୀ	କୈଳାଶ ନାଥ କାଟଜୁ
ମାଡ୍ରାସର ପ୍ରଧାନମନ୍ତ୍ରୀ
କାର୍ଯ୍ୟକାଳ ୧୪ ଜୁଲାଇ ୧୯୩୭ – ୯ ଅକ୍ଟୋବର ୧୯୩୯
ରାଜ୍ୟପାଳ	The Lord Erskine
ପୂର୍ବ ଅଧିକାରୀ	କୁର୍ମ ଭେଙ୍କଟ ରେଡ୍ଡୀ ନାଇଡୁ
ପର ଅଧିକାରୀ	ଟାଙ୍ଗୁତୁରୀ ପ୍ରକାଶମ
ବ୍ୟକ୍ତିଗତ ସବିଶେଷ
ଜନ୍ମ	(1878-12-10)୧୦ ଡିସେମ୍ବର ୧୮୭୮ ଥୋରାପଲ୍ଲୀ, British Raj (now India)
ମୃତ୍ୟୁ	୨୫ ଡିସେମ୍ବର ୧୯୭୨(1972-12-25) (ବୟସ ୯୪) ଚେନ୍ନାଇ, ଭାରତ
ରାଜନୀତିକ ଦଳ	ସ୍ୱତନ୍ତ୍ର ପାର୍ଟି (୧୯୫୯–୧୯୭୨)
ଅନ୍ୟାନ୍ୟ ରାଜନୀତିକ ସମ୍ବନ୍ଧ	କଂଗ୍ରେସ (୧୯୫୭ ପୂର୍ବରୁ) Indian National Democratic Congress (୧୯୫୭–୧୯୫୯)
ଜୀବନ ସାଥୀ	Alamelu Mangamma (୧୮୯୭–୧୯୧୬)
ଶିକ୍ଷାନୁଷ୍ଠାନ	ସେଣ୍ଟ୍ରାଲ କଲେଜ ପ୍ରେସିଡେନ୍ସୀ କଲେଜ
ପେଷା	ଓକିଲ ଲେଖକ ରାଜନେତା

ଚକ୍ରବର୍ତ୍ତୀ ରାଜଗୋପାଳଚାରୀ (୧୦ ଡିସେମ୍ବର ୧୮୭୮ - ୨୫ ଡିସେମ୍ବର ୧୯୭୨), ରାଜାଜୀ ବା ସିଆର ଭାବେ ମଧ୍ୟ ପରିଚିତ, ଜଣେ ସ୍ୱାଧୀନତା ସଂଗ୍ରାମୀ, ରାଜନେତା ତଥା ଲେଖକ ଥିଲେ ।^[୧] ଭାରତର ସର୍ବୋଚ୍ଚ ବେସାମରିକ ସମ୍ମାନ ଭାରତରତ୍ନରେ ସମ୍ମାନିତ ରାଜାଜୀ ମାଡ୍ରାସ ପ୍ରେସିଡେନ୍ସୀର ପ୍ରଧାନମନ୍ତ୍ରୀ, ପଶ୍ଚିମବଙ୍ଗର ରାଜ୍ୟପାଳ, ମାଡ୍ରାସ ରାଜ୍ୟର ମୁଖ୍ୟମନ୍ତ୍ରୀ ଏବଂ କେନ୍ଦ୍ରରେ ସ୍ୱରାଷ୍ଟ୍ର ବ୍ୟାପାର ମନ୍ତ୍ରୀ ତଥା ଭାରତର ଶେଷ ଗଭର୍ଣ୍ଣର ଜେନେରାଲ^[୨] ଭାବେ କାର୍ଯ୍ୟ କରିଥିଲେ । ସେ ସ୍ୱତନ୍ତ୍ର ପାର୍ଟି ନାମରେ ଏକ ଦଳ ଗଠନ କରିଥିଲେ ।

ତାମିଲନାଡୁର କୃଷ୍ଣାଗିରୀ ଜିଲ୍ଲା ଅନ୍ତର୍ଗତ ଥୋରାପଲିଠାରେ ୧୮୭୮ ମସିହା ଡିସେମ୍ବର ୧୦ତାରିଖରେ ସେ ଜନ୍ମଗ୍ରହଣ କରିଥିଲେ ^[୩]। ବାଲ୍ୟଶିକ୍ଷା ପରେ ବେଙ୍ଗାଲୂରୁର ସେଣ୍ଟ୍ରାଲ କଲେଜ ଓ ମାଡ୍ରାସର ପ୍ରେସିଡେନ୍ସୀ କଲେଜରୁ ସେ ଉଚ୍ଚଶିକ୍ଷା ଲାଭ କରିଥିଲେ । ୧୯୦୦ରେ ସେ ଆଇନ ବ୍ୟବସାୟ ଆରମ୍ଭ କରିଥିଲେ । ସାଲେମ ପୌରାଞ୍ଚଳର କାଉନ୍ସିଲର ଭାବେ ସେ ପ୍ରଥମେ ରାଜନୀତିରେ ପ୍ରବେଶ କରିଥିଲେ । ପରେ ସେ ସାଲେମ ପୌରାଞ୍ଚଳର ଅଧ୍ୟକ୍ଷ ହୋଇଥିଲେ । ସେ ଜାତୀୟ କଂଗ୍ରେସରେ ଯୋଗ ଦେଇ ରାୱଲାଟ ଆଇନ, ଅସହଯୋଗ ଆନ୍ଦୋଳନ, ଭାଇକୋମ ସତ୍ୟାଗ୍ରହ ଓ ଆଇନ ଅମାନ୍ୟ ଆନ୍ଦୋଳନରେ ସାମିଲ ହୋଇଥିଲେ । ୧୯୩୦ରେ ସେ ଜେଲ ଯାଇଥିଲେ । ୧୯୩୭ରେ ସେ ମାଡ୍ରାସ ପ୍ରେସିଡେନ୍ସୀର ପ୍ରଧାନମନ୍ତ୍ରୀ ଭାବେ ନିଯୁକ୍ତ ହୋଇଥିଲେ । ଜର୍ମାନୀ ବିରୋଧରେ ବ୍ରିଟେନ ଯୁଦ୍ଧ ଘୋଷଣା କରିବା ପରେ ୧୯୪୦ମସିହାରେ ସେ ଇସ୍ତଫା ଦେଇଥିଲେ । ଯୁଦ୍ଧରେ ବ୍ରିଟେନକୁ ସହଯୋଗ କରିବା ପାଇଁ ସେ କହିବା ସହ ଭାରତଛାଡ଼ ଆନ୍ଦୋଳନକୁ ବିରୋଧ କରୁଥିଲେ । ସେ ମହମ୍ମଦ ଅଲି ଜିନା ଓ ମୁସଲିମ ଲିଗ ସହ ଆଲୋଚନା କରି କେତେକ ପ୍ରସ୍ତାବ ଦେଇଥିଲେ ଯାହା ସି.ଆର ଫର୍ମୁଲା ନାମରେ ନାମିତ । ୧୯୪୬ ମସିହାରେ ଦେଶର ଅନ୍ତରୀଣ ସରକାରରେ ସେ ଶିଳ୍ପ, ଶିକ୍ଷା ଓ ଅର୍ଥମନ୍ତ୍ରୀ ଥିଲେ । ରାଜାଜୀ ପ୍ରସିଦ୍ଧ କର୍ଣ୍ଣାଟକୀ ସଙ୍ଗୀତ କୁରାଇ ‘ଓନରୁମ ଇଲାଇ’ର ସ୍ୱର ସଂଯୋଜନା କରିଥିଲେ । ୧୯୭୨ ମସିହା ଡିସେମ୍ବର ୨୫ତାରିଖ ଦିନ ତାଙ୍କର ପରଲୋକ ଘଟିଥିଲା ।^[୪]

ଏହି ପ୍ରସଙ୍ଗଟି ଅସମ୍ପୂର୍ଣ୍ଣ ଅଟେ । ଆପଣ ଏହାକୁ ସଂପୂର୍ଣ୍ଣ କରି ଉଇକିପିଡ଼ିଆକୁ ସମୃଦ୍ଧ କରିପାରିବେ । v t e