ਰਜਤ ਭਾਟੀਆ

ਰਜਤ ਭਾਟੀਆ ਭਾਰਤੀ ਸਾਬਕਾ ਕ੍ਰਿਕਟਰ ਹੈ। ਰਜਤ ਕਈ ਟੀਮਾਂ ਲਈ ਖੇਡਿਆ ਜਿਵੇਂ ਕਿ ਤਾਮਿਲਨਾਡੂ, ਦਿੱਲੀ, ਦਿੱਲੀ ਡੇਅਰਡੇਵਿਲਜ਼, ਕੋਲਕਾਤਾ ਨਾਈਟ ਰਾਈਡਰਜ਼ ਅਤੇ ਰਾਈਜ਼ਿੰਗ ਪੁਣੇ ਸੁਪਰਜਾਇੰਟਸ । ਉਹ MRF ਪੇਸ ਫਾਊਂਡੇਸ਼ਨ ਦਾ ਹਿੱਸਾ ਸੀ, ਜਦੋਂ ਉਹ ਜਵਾਨ ਸੀ। ਰਜਤ ਨੇ 2018 ਰਣਜੀ ਟਰਾਫੀ ਅਤੇ ਵਿਜੇ ਹਜ਼ਾਰੇ ਟਰਾਫੀ ਵਿੱਚ ਉੱਤਰਾਖੰਡ ਕ੍ਰਿਕਟ ਟੀਮ ਦੀ ਅਗਵਾਈ ਕੀਤੀ।

ਜੁਲਾਈ 2020 ਵਿੱਚ ਰਜਤ ਭਾਟੀਆ ਨੇ ਕ੍ਰਿਕਟ ਦੇ ਸਾਰੇ ਰੂਪਾਂ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕੀਤਾ। ^{[1] [2]}

ਰਜਤ ਭਾਟੀਆ ਨੇ 2000 ਵਿੱਚ ਕੋਲੰਬੋ ਵਿਖੇ ਸਿੰਹਲੀਜ਼ ਸਪੋਰਟਸ ਕਲੱਬ ਦੇ ਖਿਲਾਫ ਤਾਮਿਲਨਾਡੂ ਲਈ ਆਪਣੀ ਪਹਿਲੀ-ਸ਼੍ਰੇਣੀ ਅਤੇ ਸੂਚੀ-ਏ ਦੀ ਸ਼ੁਰੂਆਤ ਕੀਤੀ। ਉਹ ਪਹਿਲਾਂ ਤਾਮਿਲਨਾਡੂ ਲਈ ਖੇਡਿਆ ਪਰ ਬਾਅਦ ਵਿੱਚ ਆਪਣੇ ਗ੍ਰਹਿ ਰਾਜ ਦੀ ਟੀਮ ਦਿੱਲੀ ਵਾਪਸ ਪਰਤਿਆ। 2007-08 ਰਣਜੀ ਟਰਾਫੀ ਸੀਜ਼ਨ ਵਿੱਚ ਉਸਨੇ 7 ਮੈਚਾਂ ਵਿੱਚ 512 ਦੌੜਾਂ ਬਣਾ ਕੇ ਦਿੱਲੀ ਦੀ ਖਿਤਾਬੀ ਜਿੱਤ ਵਿੱਚ ਬਹੁਤ ਯੋਗਦਾਨ ਪਾਇਆ। ਉਸੇ ਸਾਲ ਉਸਨੇ ਅੰਤਰ-ਰਾਜੀ ਟੀ-20 ਚੈਂਪੀਅਨਸ਼ਿਪ ਵਿੱਚ ਹਿਮਾਚਲ ਪ੍ਰਦੇਸ਼ ਦੇ ਖਿਲਾਫ ਦਿੱਲੀ ਲਈ ਆਪਣਾ ਟੀ-20 ਡੈਬਿਊ ਕੀਤਾ। ਉਹ ਸ਼ੁਰੂਆਤੀ ਇੰਡੀਅਨ ਪ੍ਰੀਮੀਅਰ ਲੀਗ ਵਿੱਚ ਦਿੱਲੀ ਡੇਅਰਡੇਵਿਲਜ਼ ਲਈ ਖੇਡਿਆ।

2011 ਵਿੱਚ ਉਸਨੂੰ 2014 ਦੀ ਆਈਪੀਐਲ ਨਿਲਾਮੀ ਵਿੱਚ ਰਾਜਸਥਾਨ ਰਾਇਲਜ਼ ਦੁਆਰਾ ਹਾਸਲ ਕੀਤੇ ਜਾਣ ਤੋਂ ਪਹਿਲਾਂ ਆਈਪੀਐਲ ਵਿੱਚ ਕੋਲਕਾਤਾ ਨਾਈਟ ਰਾਈਡਰਜ਼ ਦੁਆਰਾ ਖਰੀਦਿਆ ਗਿਆ ਸੀ। ਬਾਅਦ ਵਿੱਚ ਉਹ ਰਾਈਜ਼ਿੰਗ ਪੁਣੇ ਸੁਪਰਜਾਇੰਟਸ ਲਈ ਖੇਡਣ ਗਿਆ ਸੀ। ਆਈ.ਪੀ.ਐੱਲ. ਵਿਚ ਉਸ ਦਾ ਆਖਰੀ ਪ੍ਰਦਰਸ਼ਨ 2017 ਵਿਚ ਹੋਇਆ ਸੀ ^[3]

ਨਵੰਬਰ 2015 ਵਿੱਚ ਰਜਤ ਭਾਟੀਆ ਨੂੰ 81 ਮੈਚਾਂ ਤੋਂ ਬਾਅਦ ਦਿੱਲੀ ਦੁਆਰਾ ਰਿਲੀਜ਼ ਕੀਤਾ ਗਿਆ ਜਿਸ ਵਿੱਚ ਉਸਨੇ 4,666 ਦੌੜਾਂ ਬਣਾਈਆਂ ਅਤੇ 96 ਵਿਕਟਾਂ ਲਈਆਂ। ਉਹ ਰਾਜਸਥਾਨ ਵਿਚ ਸ਼ਾਮਲ ਹੋ ਗਿਆ।

2018-19 ਰਣਜੀ ਟਰਾਫੀ ਤੋਂ ਪਹਿਲਾਂ ਉਹ ਰਾਜਸਥਾਨ ਤੋਂ ਉੱਤਰਾਖੰਡ ਵਿੱਚ ਤਬਦੀਲ ਹੋ ਗਿਆ। ^[4] ਉਹ 2018-19 ਰਣਜੀ ਟਰਾਫੀ ਦੇ ਗਰੁੱਪ-ਪੜਾਅ ਵਿੱਚ ਅੱਠ ਮੈਚਾਂ ਵਿੱਚ 700 ਦੌੜਾਂ ਬਣਾ ਕੇ ਟੀਮ ਲਈ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲਾ ਖਿਡਾਰੀ ਸੀ। ^[5]

• ਰਜਤ ਭਾਟੀਆ ਈਐੱਸਪੀਐੱਨ ਕ੍ਰਿਕਇਨਫੋ ਉੱਤੇ